Xezerxeber.az-ın məlumatına görə, yeni tədris ili üçün satışa çıxarılan geyimlər yalnız 1-4-cü siniflər üçündür.

Polo köynəklər 14 manat, şalvar və ətəklər 25 manatdır.

Bakı Tikiş Evinin satış müdiri Etibar Əzimov bildirib ki, formaların parçaları Türkiyə və Belarusdan gətirilir.

Onun sözlərinə görə, ilk gündən formalara tələbat böyük olub.

Yeni model formaların nümunələri mart ayında təsdiq edilib. Bakı Tikiş evindən bildirilib ki, o müddətdən indiyədək yalnız ibtidai siniflər üçün forma tikilişini həyata keçirmək mümkün olub. Ona görə də yuxarı sinif şagirdləri satışda olan köhnə model formalardan istifadə edə bilərlər.