Talıb Tale: “Orda telefonumu oğurladılar” Xalq artisti əməliyyat olundu Könül Kərimova Dövlət Komitəsini məhkəməyə verib - Səbəb “Evli adamdır, boşatdıracaqsan” - Zaur
Axtar
 
  • / Maqazin / — 27 Oktyabr 2017

    Talıb Tale: “Orda telefonumu oğurladılar”

  • / Maqazin / — 20 Oktyabr 2017

    Xalq artisti əməliyyat olundu

  • / Maqazin / — 18 Oktyabr 2017

    Könül Kərimova Dövlət Komitəsini məhkəməyə verib - Səbəb

  • / Maqazin / — 18 Oktyabr 2017

    “Evli adamdır, boşatdıracaqsan” - Zaur

  • / Maqazin / — 16 Oktyabr 2017

    “Maşın” şoudan MTRŞ-yə cavab

  • / Maqazin / — 14 Oktyabr 2017

    Toy vaxtını açıqladılar

Yoahim Löv: “Xal itirməməliyik”

Tarix 25.03.17, 20:43

Font ölçüsü : - / +
bitmap-img6


"Məqsəd aydındır. Bura 3 xal üçün gəlmişik. Ümumilikdə məqsədimiz yayadək bütün oyunlardan qalib ayrılmaqdır. Qarşıda San-Marino ilə oyunumuz da var. Xal itirməməliyik. Uçuş və vaxt dəyişikliyi nəzərə alınası faktorlardır. Amma bunlar bəhanə olmamalıdır".

Bunu Almaniya milli komandasının baş məşqçisi Yoahim Löv Azərbaycan yığması ilə martın 26-da keçirəcəkləri 2018-ci il Dünya çempionatının seçmə qrup matçından öncə düzənlənən mətbuat konfransında deyib.

Daha sonra 57 yaşlı mütəxəssis jurnalistlərin suallarını cavablandırıb...

- Heyətdə zədəli və şans verməyəcəyiniz oyunçular var?

- Xedira, Draksler və Qomesin vəziyyəti yaxşıdır. Məsut Özillə bağlı vəziyyət naməlumdur. Dünən də, bu gün də Özil məşq etməyib. Sabahadək vəziyyətə baxacağıq.

- Qapıçı mövqeyində kimin oynayacağını müəyyənləşdirmisiniz?

- Hələlik heç bir şey həll olunmayıb. Ter Ştegen İngiltərəyə qarşı yaxşı oynadı. Amma digərləri də məşqlərdə yaxşı təsir bağışlayırlar. Ona görə də oyun öncəsi kimin start heyətdə yer alacağına qərar verəcəyik.

- Andre Şürrle klubunda müntəzəm çıxış etmir. Amma yığmada yer alıb...

- Sözsüz ki, Şürrlenin oynamaması bizim üçün də yaxşı hal deyil. Amma məşqdəki performansı müsbət düşünməyə əsas verir. Kimmix və digər oyunçular da klublarında müntəzəm oynamırlar.

- Bakıdakı əvvəlki oyunlarla müqayisədə bu dəfəki oyun asan, yoxsa çətin olacaq?

- Həm ölkədə, həm də komandada böyük irəliləyiş hiss olunur. Oyun baxımından xeyli artım baş verib. Son oyunlardakı nəticələr də dediklərimi təsdiqləyir. Norveçə qalib gəlib Çexiya ilə heç-heçə oynayırsansa, inkişafdan danışmaq olar. Azərbaycan müdafiə olunmağı bacarır, taktiki planda artırıb. Ümumi götürdükdə, inkişaf nəzərə çarpır.

- Kapitan kim olacaq?

- Sami Xedira. Çünki Xedira liderdir, örnəkdir, işə yanaşması yüksək səviyyədədir.

- Son zamanlar futbolçuların milliyə can-başla gəlmədikləri deyilir...

-Xeyr, bu, belə deyil. Əksinə, futbolçular komandaya böyük həvəslə gəlirlər. Hətta kənarda qalanlar belə milliyə can atırlar. Onların motivasiyaları da çox yüksək səviyyədədir.

- Mario Qomeslə hücumda başlamaq istəyirsiniz?

- Qomes son oyunlarda yaxşı təsir bağışlayıb. Ona görə də sabahkı oyunda onun olması daha xeyirli olardı.

- Azərbaycanın qrupda 2-ci yer şansını necə dəyərləndirirsiniz?

- 4 oyundan 7 xal yaxşı başlanğıcdır. Çexiya və Şimali İrlandiya növbəti oyunlarda bir çox məsələ həllini tapacaq. Bunlar baş versə, niyə də yox? (“Report”)



Xəbərin oxunma sayı : 79

loading...

Müsahibə

Xəbərlər

ARXİV
Əlaqə | Haqqıımızda