Enerjidən yata bilmirəm... - Müğənni Aygün Ağayeva Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI
Axtar
 
  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

Yol polisi sabiq deputatın qızından rüşvət aldı! – “Bu quldurluq nə vaxt bitəcək?” (Yenilənib)

Tarix 17.06.17, 18:08

Font ölçüsü : - / +
bitmap-img6


Yasamal rayon Dövlət Yol Polisi İdarəsinin əməkdaşları ilə sabiq millət vəkili, YAP Siyasi Şurasının üzvü Xeyrəddin Qocanın qızı arasında qalmaqal yaranıb.

“AzPolitika.info” xəbər verir ki, bu barədə X. Qoca özü sosial şəbəkədə yazıb. Deputat bildirib ki, yol polisi zabiti Emil Seyidov qızının hüquqlarını kobud şəkildə pozub və ondan rüşvət alıb:“Qızım maşını ilə yol qaydasını pozduğu üçün Yasamal rayonunda polis əməkdaşları onu saxlayıb və maşının texniki pasportunu və sürücülük vəsiqəsini alıblar ki, “maşına həbs qoyulub, düş aşağı, maşını cərimə meydançasına aparmalıyıq”.

Qızım müfəttişlərə bildirib ki, “elə indi işdən icazə almışam (iş yerində təsdiq edə bilərlər), cəriməni ödəməyə gedirəm, çünki bir neçə dəfə poçta getmişəm, hələ kompüterə salmadıqlarını bildiriblər”.

Müfəttişlər deyiblər ki, “get, Yasamal Polis İdarəsində ödə! Sənədlərini də oradan götürərsən!”.

Qızım məcbur olub ora gedib, qapısında “E.Seyidov” yazılmış polis kapitanı qızıma deyib: “Get, cəriməni ödə, 100 manat da mənə ver, məhkəmədə işini həll edim”.

Beləliklə, E.Seyidov qızımdan 100 manat rüşvət alıb. Əlbəttə, mən Polis İdarəsinin rəhbərliyini telefonla axtardım, cavab verən olmadı. Sonra daxili işlər nazirinin əlaqədar müvininə zəng vurdum, məşğul olduğu üçün danışa bilmədim. İndi bu Emil Seyidovdan soruşuram: “Sən 100 manata məhkəmədə nə iş görəcəksən? Və sən polis orqanında işləyə-işləyə bilmirsən ki, bir ucdan hamıdan rüşvət almaq olmaz? Bu yazını əllərim əsə-əsə, yüksək təzyiqim ola-ola yazdım! Bu quldurluq nə vaxt bitəcək?”.

Daha sonra Xeyrəddin Qoca yol polisi zabitinin aldığı 100 manatı geri qaytardığını qeyd edib: “Məlumunuz olsun ki, qızımdan 100 manat rüşvət alan Yasamal DYP kapitanı Emil Seyidov 100 manatı bu gün geri qaytardı. O, qızımın axırıncı pulunu aldığından, qız ağlaya-ağlaya çörək pulu üçün mənim yanıma gəlmişdi…” 

Bakı şəhər Dövlət Yol Polisi İdarəsinin Yol Hərəkətinin Təhlükəsizliyinin Təbliği və İctimai qurumlarla Əlaqə bölməsinin rəisi, polis polkovniki Vaqif Əsədov oxu.az-a açıqlamasında, məsələdən jurnalistlərin zəngilə xəbər tutduğunu bildirdi: “Hazırda bu məsələni araşdırırıq. Araşdırmamız başa çatdıqdan sonra ictimaiyyətə açıqlama verəcəyik” .



Xəbərin oxunma sayı : 133




Hadisə

Xəbərlər

ARXİV
Əlaqə | Haqqımızda  
Buy website traffic cheap