Britaniyanın Milli Cinayət Agentliyi (NCA) Zamirə Hacıyevanın Londondakı mülkü və qolf kursunu müsadirə etmək üçün məhkəməyə müraciət hazırlayıb. Bu haqda redaksiyamıza daxil olan məlumatda deyilir ki, yaxın zamanda müraciətə baxılacaq.

Beynəlxalq Bankın sabiq sədri Cahangir Hacıyevin həyat yoldaşı Z.Hacıyevanın London məhkəməsinə təqdim etdiyi apelyasiya şikayəti rədd edilib. Zamirə Hacıyeva ilk hədəfi olduğu Britaniyanın “İzaholunmaz Sərvət Sərəncamı”nın (UWO) ona qarşı tətbiq olunmasının qarşısını almağa çalışırdı. Ona əmlakların alınmasına sərf edilən vəsaitin qanuni mənbəyini açıqlamaq üçün 1 həftə zaman da tanınmışdı. Bu qərar eyni zamanda Z. Hacıyevanın Britaniya Ali Məhkəməsinə şikayət verməsinin qarşısını alırdı.

Z.Hacıyeva Britaniya mediasında lüks “Harrods” mağazasında 16 milyon funt xərcləməklə tanınır. Məhkəmə qərarı fevralın 12-dən qüvvəsindədir.  Bu isə o deməkdir ki, Z.Hacıyeva “İzaholunmaz Sərvət Sərəncamı”na əsasən Londonun Knightsbridge ərazisində yerləşən 15 milyon funtluq mülkünü və Berkshiredə təmtəraqlı qolf kursunu almaq üçün var-dövlətini hansı mənbədən əldə etdiyini açıqlamalıdır. Son məlumata görə, Z.Hacıyeva gəlirinin qanuni mənbəyini açıqlaya bilməyib.  Milli Cinayət Agentliyi mülkü və qolf kursunu müsadirə etmək üçün məhkəməyə müraciət edəcək. Onun əri Cahangir Hacıyev bir vaxtlar idarə etdiyi dövlət bankından milyonlarla pulu mənimsəməkdə təqsirləndirilib.

Z.Hacıyevanın Londonda 100 milyon ile ilgili görsel sonucu

Z.Hacıyevanın Londonda 100 milyon manatdan artıq dəyərləndirilən mal-mülkü İngiltərə dövlətinin ixtiyarına keçəcək. 2018-ci ilin noyabrında Z.Hacıyevanın daş-qaşlarına həbs qoyulub. Z.Hacıyevanın mülk almaq üçün saxtakarlıqla mənimsənilən pullardan istifadə etdiyi barədə Britaniyanın Ali Məhkəməsi təsdiq qərarı çıxararsa, o zaman ondan alınacaq pul və mülklər Azərbaycana qaytarıla bilər. Bunu 2018-ci ilin oktyabrında Britaniyanın Milli Cinayət Agentliyinin rəsmisi Donald Toon BBC-yə demişdi. Qeyd etmişdi ki, Britaniyanın “İzaholunmaz Sərvət Sərəncamı” adı altında Ali Məhkəmənin qərarı ilə müsadirə olunmuş pul “siyasi və beynəlxalq məsələyə” çevrilə bilər. Zamirə Hacıyeva son on il ərzində Londonun məşhur dükanı “Harrods”da 21 milyon dollar xərcləyib və elə həmin mağazanın yanında - Londonun ən bahalı ərazilərindən birində ev alıb. O, həmçinin Berkshire qraflığında qolf klubu və təyyarə sahibi olub. O, bu ödənişlərin bəziləri üçün Beynəlxalq Bankın 35 ədəd kredit kartından istifadə edib. Cahangir Hacıyev 2016-cı ildə sədri olduğu bankda böyük dələduzluq və yeyintinin bir hissəsi olmaqda ittiham edilərək 15 il müddətinə həbs edilib. Onun rəhbərlik etdiyi bankdan on milyonlarla funt sterlinq pul yoxa çıxıb. Hakimlər ona 39 milyon funtu (51.30 milyon dollar) geri ödəməyi əmr edib. İngiltərə Ali Məhkəməsi Z.Hacıyevaya sərvətinin mənbəyini izah etməyi əmr edib - əgər o, bunu edə bilməsə, öz əmlakını itirmək riski ilə üzləşə bilər. Z.Hacıyeva Britaniya məhkəməsində deyib ki, əri bank sədri olmazdan öncə, uğurlu biznesləri sayəsində müstəqil var-dövlət qazanmış qanuni iş adamı olub. Cənab Toon BBC-yə deyib ki, Milli Cinayət Agentliyi məhkəmə işini qazanarsa, o zaman mülklər müsadirə olunacaq. “İlk növbədə həmin aktivlərin dəyəri Böyük Britaniya hökumətinə daxil olacaq, sonra pul mənbəyinin ölkəsi (Azərbaycan) və Britaniya arasında repatriasiyanin miqyası barədə birbaşa əlaqə qurulacaq”.