AzFakt

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Rusiya-İran arasında Azərbaycan üzərindən qaz anlaşması - Putin bu dəfə əmindir, amma..

Arayik Harutyunyan Azərbaycan xalqından üzr istədi - “İndi bu bəyanata görə təəssüflənirəm...“

Azəraycanda terror aktı hazırlayanlar həbs olundu - “200 min dolları müqabilində ona sui-qəsd edəcəkdilər...“

Çin qərbə qarşı məxvi planı işə saldı - “Made in China 2025”-də nələr var?

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Abşeron rayonunda sənədsiz evlərin sayı sürətlə artır - İcra hakimiyyəti ilə “anlaşıb“...

Prezidentdən dünyaya mesaj: Azərbaycan 21 ildir inamla, uğurla, ləyaqətlə inkişaf edir

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

“İş vaxtı xəsarət alsam da, şirkət heç bir köməklik etməyib” - “Azeri Drillinq Fluds LTD“- dən şikayət


Tarix 03.02.25, 18:44	Font ölçüsü : - / +

“Mən 2004-cü ildən "Azeri Drillinq Fluds LTD" şirkətində supervayzer vəzifəsində işləyirdim. 09.12.2022 il tarixində iş zamanı xəsarət almışam. Sağ bilək aypara sümüyüm və sol ayaq pəncəmdə sınıq meydan gəlib. İki dəfə əməliyyat olunmağıma baxmayaraq yaranmış fiziki funksional pozğunluq aradan qalxmayıb.Bunu təsdiq edəcək bütün sənədlərim də var”.

Bunu Məmmədquliyev Teymur Şahin oğlu “AzPolitika”-ya müraciətində bildirib. Şikayətçi əmək qabiliyyətinin itirilməsində şirkətin təqsirkar olduğunu və bunun sübut olunduğunu, lakin indiyədək “Azeri Drillinq Fluds LTD” tərəfindən ona heç bir yardım göstərilmədiyini bildirir.

“Müfəttişlik tərəfindən NK-27 saylı qərarına uygun təhqiqat aparılmışdır(Akt 01/23 09.02.2023). İz aktına əsasən şirkət təqsirli sayılır.İz aktından əlavə DSMF -nin 06.02.2024 ci il № 3-17-1/2-M-27276/2024 sənəddə də şirkətin günahkar olduğu təsdiqlənib.Mənim iş vatxı xəsarət almağıma baxmayaraq şirkət tərəfindən heç bir köməklik, maddi yardım olunmayıb. Eyni zamanda, mənə xəstə olduğum günlər üçün əmək qabiliyyətinin itirilməsi ilə bağlı ödəniləcək məbləğ düzgün hesablanmayıb. 2023-cü ilin sentyabr ayından isə bu ödənişlər tam şəkildə dayandırılıb. Halbuki 09.12.2022 tarixindən 16.05.2024 tarixinədək xəstəlik vərəqəsi müddəti davam edirdi. Bundan əlavə dəfələrlə Dövlət Əmək Müfəttişliyi Xidmətinə yazılı müraciət etməyimə baxmayaraq, heç bir nəticə əldə olunmayıb. 01.10.2024 tarixində isə məni 67 C maddə ilə işdən azad ediblər”,-deyə şikayətçi qeyd edir.

Şikayətçi üzləşdiyi çətinliklə bağlı məhkəmə işinin davam etdiyini deyir: “AR Əmək Məcəlləsinin 54-cü maddəsinə əsasən bu Məcəllə ilə müəyyən olunmuş hallar istisna edilməklə əmək şəraitinin şərtləri birtərəfli qaydada dəyişdirilə bilməz. AR Əmək Məcəlləsinin 56-cı maddəsinə əsasən istehsalın və əməyin təşkilində dəyişikliklər edilməsi zəruriyyəti olduqda işçinin peşəsi, ixtisası və vəzifəsi üzrə işi davam etdirməklə əmək şəraitinin şərtlərinin dəyişdirilməsinə yol verilir. Maddədə diqqət yetirəsi iki məqam var. Birincisi, hansı halda əmək şəraitinin şərtlərinin dəyişdirilməsinə zəruriyyətin yaranmasıdır. Əmək şəraitinin şərtlərinin dəyişdirilməsi üçün işəgötürənin ciddi əsası olmalıdır. Bu Məcəllə ilə müəyyən olunmuş hallar istisna edilməklə əmək şəraitinin şərtləri birtərəfli qaydada dəyişdirilə bilməz.AR Əmək Məcəlləsinin 287-ci maddəsinə əsasən fərdi əmək mübahisələri, işəgötürənlə işçi arasında əmək müqaviləsinin, kollektiv müqavilənin şərtlərinin, habelə əmək qanunvericiliyinin və digər normativ hüquqi aktların tətbiqi zamanı yaranan və bu Məcəllə ilə müəyyən edilmiş qaydada, üsullarla və şərtlərlə tərəflərin hüquq bərabərliyi və qanunun aliliyi prinsipləri əsasında həll edilən fikir ayrılığıdır.AR Əmək Məcəlləsinin 292-ci maddəsinə əsasən işçi bu Məcəllənin 288-ci maddəsində göstərilmiş məsələlərlə bağlı hüquqlarının və ya qanunla qorunan mənafeyinin pozulduğunu aşkar etdikdə, bu Məcəllədə nəzərdə tutulmuş qaydada fərdi əmək mübahisələrini həll edən orqanlara müraciət edərək pozulmuş hüquqlarının bərpa edilməsini tələb edə bilər.AR Əmək Məcəlləsinin 300-cü maddəsinə əsasən əgər, işəgötürən əmək müqaviləsinin bu Məcəllənin 68, 69, 70, 73, 74 və 75-ci maddələrində nəzərdə tutulmuş ləğv edilməsi əsaslarını pozaraq və ya 71, 76-cı maddələri ilə müəyyən edilmiş qaydaların tələblərinə əməl etmədən, habelə 79-cu maddəsində nəzərdə tutulmuş hallara əhəmiyyət vermədən işçi ilə əmək münasibətlərinə xitam vermişdirsə, əmək mübahisəsini həll edən məhkəmə iddia ərizəsini və işin faktik hallarını araşdıraraq məcburi iş buraxma müddəti üçün əmək haqqı ödənilməklə işçinin vəzifəsinə bərpa edilməsi barədə qətnaməvə ya bu maddənin ikinci hissəsinə müvafiq olaraq tərəflərin barışıq sazişinin təsdiq edilməsi barədə qətnamə çıxarır. Məhkəmə qətnamədə işçiyə iddiası üzrə dəymiş zərərin məbləğinin işəgötürən tərəfindən ödənilməsini də nəzərdə tuta bilər”.

Şikayətçi sonda mətbut vasitəsilə səlahiyyətli qurumlara müraciət edərək, ona köməklik göstərilməsini xahiş edir.

Qeyd olunanlarla bağlı qarşı tərəfin də mövqeyini öyrənməyə hazırıq.

Xəbərin oxunma sayı : 733