APA Kremlin saytına istinadən xəbər verir ki, bunu Rusiya Prezidenti Vladimir Putin “Rusiya Enerji Həftəsi” forumunun plenar iclasından sonra Amerikanın “CNBC” telekanalının jurnalisti Hedli Qemblə müsahibəsində deyib.

“Mənə elə gəlir ki, ABŞ dollardan sanksiya aləti olaraq istifadə etməklə çox böyük səhv edir”, - Putin belə deyib. O qeyd edib ki, Vaşinqton bunu sanksiya olunmuş məhsulların dollarla ödənişlərinin qarşısını almaq üçün edir.

“Sadəcə dollarla çatdırılan məhsullara görə müştərilərin pullarını əldə etməyimiz qeyri-mümkündür. Bu nəyə gətirib çıxarır? Sadəcə olaraq, başqa çarəmiz yoxdur, sadəcə başqa valyutalarda hesablaşmalara keçməliyik”, - deyə Rusiya lideri əlavə edib.

O bildirib ki, dollar ehtiyat valyutası kimi mövqeyini pozur, lakin Rusiya hesablaşmalardan tamamilə geri çəkilməkdə maraqlı deyil.

“Bu, qlobal ehtiyat valyuta mövqeyini pozur və dollarla hesablaşmaların həcmi azalır, dünya ölkələrinin dollarla şəxsi ehtiyatlarının həcmi də azalır. Amma biz dollarla hesablaşmalardan tamamilə qaçmaqda maraqlı deyilik. Ancaq Amerika rəsmilərinin siyasəti dediyim kimi davam edərsə, heç bir şey etmək məcburiyyətində qalmayacağıq, ABŞ dollara olan inamı sarsıdacaq”, - deyə Rusiya lideri vurğulayıb.