AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Ədalət Vəliyevin “islahatları“ - Azərbaycanın olmayan siyasi mühitində nələr baş verir?


Tarix 05.11.25, 14:22	Font ölçüsü : - / +

Hakimiyyətdən pay diləyən, oğlu ilə qızı arasında “partiyası”nı bölə bilməyən biznesmen partiya sahibləri Azərbaycana nə vəd edir?..

Ötən həftə adına “Ana Vətən” dedikləri və 33 il müddətində Fəzail Ağamalının rəhbərliyi altında daha çox biznes qurum kimi fəaliyyət göstərən “partiyada” baş verənlər Azərbaycan siyasi mühitinin nə qədər miskin olduğunu ortaya qoydu. Əslində miskinlik son 20 ildə açıq şəkildə ortadaydı, Fəzail Ağamalının “partiyasındakı” ailə dava-dalaşı bu miskinliyin səviyyəsin dibinə qədər göstərdi və bu həm də bizim cəmiyyət olaraq nə qədər “kasadlaşdığının” göztəricisi oldu.

Artıq 20 ildən çoxdur ki, Azərbaycanda siyasi mübarizə hakimiyyətdən və hakim partiyadan pay almaq uğrunda aparılır. Yəni obrazlı desək, Azərbaycanın siyasi mühiti YAP-ın süfrəsinin artıqlarını ələ keçirmək üçün diş qıcırtmaqdan ibarətdir. Belə düşünək və güman edək ki, sabah Azərbaycanda proporsional seçki sistemi ilə seçki keçirilir və Allahdan bu seçkilər paysız, yəni hər kəsin öz gücünə keçirilir, o zaman bu gün parlamentdə təmsil olunan partiyalar neçə faiz səs alarlar? Mənə görə YAP xaric bütün parlament partiyaları 0,2-0,5% arasıda səs alarlar. Bundan yuxarı çıxmaları imkansızdır.

Yəni normalda bu gün Fəzail Ağamalının qızının, Eışən Musayevin, Razi Nurullayevin, lap elə Fazil Mustafanın və Qüdrət Həsəquliyevin və digərlərinin parlamentdə oturmaları, (Nə yazıq ki, onların arasında parlamentə düşmək üçün imkan xaricində belə hər şeyi edən Hafiz Hacıyev yoxdur.) MSK-da təmsil olunmaları onlara verilən paydan başqa bir şey deyil və buna görə də onlara siyasətçi belə demək düzgün deyil.

O cümlədən partiyasına “Ana Vətən” kimi zil tonda səslənən bir ad verən Fəzail Ağamalı da heç bir zaman siyasətçi olmayıb, ola bilməyib və bunu da “partiyasını” oğlu və qızı arasında bölüşdürə bilməməsi bir daha isbatladı. Ədalət naminə qızını deputat edən Fəzail Ağamalı oğlunu da partiya sədri etməliydi ki, ailə içində balans təmin edilsin. Bu balansı təmin edə bilmədiyinə görə isə Fəzail müəllim siyasətin s-ndan da xəbərsiz olduğunu ortaya qoymuş oldu.

Hələ 90-cı illərdən Azərbaycanda siyasi partiyalar iki məqsədlə yaradılır. Birinci məqsəd hakimiyyətdən və hakim partiyadan pay almaq olsa da, ikinci məqsəd biznes yaratmaq və biznesi inkişaf etdirmək və qorumaq “siyasətinə” xidmət edir. Birinci məqsəd üçün elan olunan partiyalar onlarladır və onların bir çoxları “patrtiya sahibi” olaraq parlamentdə oturublar. Bu “partiya sahiblərindən” bəziləri AXCP-ni az qala 10 dəfəyəcən parçalanmağa məruz qoyaraq öz paylarını alıblar və “super təqaüdçü” olaraq özlərinin qocalıq dönəmlərini də təminat altına alıblar.

Biznes məqsədi ilə elan olunan partiyaların pionerlərindən biri Bədrəddin Quliyev olub və onun təcrübəsi sonradan bu məqsədlə yaradılan partiyaların sayını sürətlə artırıb. Zəmanəmizdə biznes məqsədi ilə yaradılan və böyük inkişafa nail olan partiya sədrlərindən biri də GAP (Gələcək Azərbaycan Partiyası) sədri Ağasif Şakiroğludur. Lap sütül vaxtlarından Rəsul Quliyevə biət edən və didərgin sabiq spiker üçün GAP-ı təsis edən Ağasif bəy bunula ilk öncə gələcək biznesinin sərmayəsini təmin edib və Allaha şükür ki, bu gün həm siyasətdə, həm də biznesdə Pəsul Quliyevə “papış tikir”.

Bu gün Ağasif Şakiroğlunun adına qeydiyyatda olan “Yes Park” taksi parkı “Bolt”un, “Yango”nun və digər taksi şirkətlrinin tərəfdaşıdır və GAP sədri iki böyük taksi parkı ilə birlikdə az qala taksi biznesinin monopolistlərindən birinə çevrilməkdədir. “Partiya sədr”inin müavinləri də elə onun biznes köməkçiləridir.

Partiya üzvləri ilə bağlı isə Ağasif bəyin problemi yoxdur. Digər biznes xətrinə elan olunan partiya sədrləri kimi Ağasif bəy də, lazım olanda “üzvləri” “qul bazarı”ndan təmin edir və buna görə də xeyir-dua sahibinə çevrilir. Ən azından ona görə ki, ağır şərtlərdə işləyən fəhlələrə Ağasif bəyin, ya da başqa partiya sədrinin toplantısında bir iki saat oturaraq evlərinə daha çox pul aparırlar.

Bu arada Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevin və Ədliyyə Nazirliyinin diqqətinə çatdırmaq istərdik ki, Azərbaycanda rəsmi dövlət qeydiyyatında olan və olmayan bir çox partiyalar bu yolla toplantılar keçirib hər tərəfi və özlərini məmnun edirlər.

Birdə Böyük Azərbaycan Partiyası var. Sədri də Elşad Musayevdir ki, bu günə qədər müavinini belə görüb, tanıyan olmayıb. Amma Elşad bəy hazırda Milli Məclisdə poza verir. Ondan başqa, Elşən Musayevin Azərbaycan Demokratik Maarifçilik Partiyası da var. Bu partiyanın da bu günə qədər kimisə “maarifləndirdiyi” görünməyib və 15 ildir ki, parlamentdə yer tutan Elşən bəydən başqa heç bir üzvünü heş kim tanımır.

Əslində isə belə partiyalar onlarladır. Onların bəziləri dövlət qeydiyyatından keçib və hətta deputat belə olublar.

Bu dediklərim Azərbaycan siyasi mühitinin görünən az bir hissəidir və belə demək mümkünsə, Azərbaycanda heç kim, xalqa, vətənə xidmət etmək, ya da idologiyaya xidmət etmək naminə partiya yaratmırlar. Digərlərindən daha ağıllı olan bu adamlar özlərinə, öz maraqlarının təminatı üçün partiya elan edirlər və gördüyümüz kimi də onlar çox vaxt öz məqsədlərinə nail olurlar.

Bir məsələni də qeyd edim ki, əvvələr “cırtdan partiyalar” deyilən və əsasən Müsavat və AXCP-nin peykləri olan bu partiyaların çoxu 2020-ci ildən sonra qeydiyyatdan keçiblər və onlar buna görə Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevin “islahatlarına” minnətdar olmalıdırlar. Sözsüz ki, Ədalət müəllim bununla Azərbaycanın siyasi mühitinə bir nəfəs verməyə çalışıb. Amma nəticə daha acınacaqlı olub. Bəlkə də ona görə ki, Ədalət müəllim bu partiyaların hansı məqsədlə yaradıldıqlarından bixəbər olub. (Poliqon.info)

Xəbərin oxunma sayı : 1222