Axşam.az xəbər verir ki, bu sözləri Xalq artisti Brilliant Dadaşova "Özəl" proqramında deyib. O, müğənnilik sənətinin bahalı olmasından danışıb. Dadaşova bildirib ki, sənət adamları bir geyimi iki dəfə geyinə bilmir.

"İndi gənclər üçün öz yarısını tapmaq çətindir. Bu barədə bəxdim çoxdan açılıb. Qızlar əfsuslar olsun ki, özündənrazı oğlanları seçirlər. Oğlan heç vaxt özündənrazı olmamalıdır. Qıza heyran olmalıdır".

"Əleyhinəyəm ətək-ətək pullar xərcləyib, başqa ölkədə tanınmağın. Rusiya, Norveç və ardından Türkiyədən təklif almışdım. Heç vaxt gedib pul xərcləmərəm. Orada iki-üç diskim çıxdı. Onlar mənə deyirdilər ki, bir yerdə tanınmaq üçün orada qalmaq lazımdır. Ona görə də əlaqə pozuldu. Türkiyədə mənə indi də təklif var, orada dərs demək. Amma orada yaşamalıyam".

Son vaxtlar ifaçıların efirdə canlı oxumamasından gileylənən Brillinat "Səhnə adamları siqaret çəkir, səslərinə pis təsir edir. Bunun fərqində olmurlar. Bunu deyəndə çoxları inciyir. Səhnə adamı idmançı kimi olmalıdır. Onun siqareti, spirtli içkisi olmamalıdır" sözlərini söyləyib.