AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Məşuqələrinə milyonlar xərcləyirlər, amma qaziyə kömək edən yoxdur…”


Tarix 23.11.21, 15:20	Font ölçüsü : - / +

“Həbs edilən icra başçılarının mənimsədikləri mülkləri əllərindən alınıb dövlətin büdcəsinə keçirilibsə, bu onlar üçün ən böyük cəzadır. Ona bundan sonra neçə il iş verilməsinin fərqi yoxdur. Dəfələrlə demişəm ki, həmin məmurların dövlətdən taladıqları sərvətləri dövlətin büdcəsinə keçirilməlidir. Onda başa düşərlər ki, dövlətdən, xalqdan oğurluq etmək nə deməkdir. Bir sözlə, rüşvətxorluq aradan götürülməlidir, vəzifəyə təmiz insanlar gəlməlidir. Ölkə düzəlməlidir, başqa yolumuz yoxdur”.

Bunu Moderator.az-a açıqlamasında tanınmış ictimai xadim, Tibb Universitetinin dosenti Rəşid Mahmudov deyib. O, rüşvətin aradan götürülməsinin vacib olduğunu bildirib:

“Hər adamı vəzifəyə təyin etməzlər. Bu adam təmizdirsə, safdırsa, ona etibar etmək olar. Dövlətin hüquq-mühafizə orqanları, Dövlət Təhlükəsizlik Xidməti var və onlar yaxşı bilirlər hansı məmur necə işləyir. Bu istiqamətdə iş aparılarsa, ölkə düzələcək. Söhbət ondan gedir ki, məmurlar pullarını qutulara yığıb saxlayırlar və pul dövr etmir. Bizim büdcəmiz illərdir ki, artmır, belə şey olmaz axı. Pul dövriyyəyə getmirsə, dövətin inkişafı olmur. Bir çox məmurlar pullarını xaricə daşıyırlar və orda banklara qoyurlar”.

O deyib ki, korrupsiyayla mübarizədə jurnalistlərin də üzərinə böyük məsuliyyət düşür:

“Bu işdə jurnalistlərimizin də üzərinə böyük məsuliyyət düşür. Açığını deyim ki, bir çoxu qorxur, satılıb, pulunu alıb tərif yazır. Ölkəni düzəltmək üçün jurnalistin yazdıqları da əsas rol oynamalıdır”.

R.Mahmudov iş adamlarımızın da şəhid ailələrinə və qazilərimizə kömək etməsinin vacib olduğunu bildirib:

“Müharibəyə gedib əlini-ayağını itirən qazilərimizi incidirlər. Onlar da intihara cəhd edirlər, məmurların özbaşınalığından bezirlər. Bu isə düz deyil. Bütün bunların hamısını da dövlətin üstünə yıxmaq olmaz. Bizim cəmiyyətimiz düzəlməlidir. O həbs edilən icra başçılarına desən ki, yığdığın sərvətlərdən qaziyə kömək et, etməyəcək. Bizim imkanlı iş adamlarımız var ki, milyardlarla pulları var, məşuqələrinə hər şey edirlər, amma qaziyə kömək edən yoxdur. Bu insanlar bizə görə vuruşub, qan töküb, bizim onlara can, qan borcumuz var və bunu ödəmək lazımdır. Mənə elə gəlir ki, iş adamlarımız da şəhid və qazi ailələrimizə kömək etməlidir. Sanki bunu qəsdən edirlər ki, insanlarımız dövlətdən narazı qalsın”.

R.Mahmudov sağlam gənclik yetişdirmək üçün dövlət tərəfindən uşaqpullarının verilməsini də təklif edib:

“Dövlətimiz uşaqpulu verməlidir. Uşaq sağlam yesə, qidalansa, yaxşı olar. O, sabahın əsgəridir. Müharibəyə gedənlər də kasıb ailələrin övladları idi. Hər bir yerdə şəhid ailələrimizi, qazilərimizi əziz tutmalıyıq. Bütün bunları dövlət edəcəksə, onda yerlərə təyin olunan məmurlar nə üçündür?! Onlar bilməlidirlər ki, özlərinin və ailələrinin yaşamasını təmin edən bizim o əsgərlərimiz idi”.

Xəbərin oxunma sayı : 403