Qol.az xəbər verir ki, 34 yaşlı yarımmüdafiəçi "Urbana Play FM"ə açıqlamasında komandada qalmaq istədiyini deyib: 

"Müqaviləm iyun ayında başa çatacaq. Mən PSJ-də qalmaq istəyirəm. Avropadakı karyeramın son ilinin də PSJ-də keçməsini istəyərdim. Amma klubun bu brədə nə düşündüyünü bilmirəm. Müqaviləmdə bir bənd var. Bunun istifadə edilib-edilməyəcəyini görəcəyik. PSJ-də qalmasam, Avropada başqa bir komandaya transfer olunub, dünya çempionatına ən yaxşı şəkildə hazırlaşacağam. MLS (ABŞ çempionatı) komandalarına keçmək yaxşı fikir kimi görünür. Amma mən daha 1 il Avropada oynayıb, daha sonra "Rosario Sentral"a qayıtmaq istəyirəm".

Qeyd edək ki, 2015-ci ildən PSJ-də oynayan Di Mariyanın klubla sözləşməsi bu yay başa çatacaq. Lakin onun müqaviləsində sözləşmənin 1 il uzadıla biləcəyinə dair bənd də var. Oyunçu 2008-ci ildən Argentina yığmasının üzvüdür. Di Mariya "Rosario Sentral"ın yetirməsidir.