AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sabiq deputat Fəzail Ağamalı dələduzluqda ittiham olunur - Özü isə deyir ki...


Tarix 08.07.25, 21:14	Font ölçüsü : - / +

29 il (1995-2024) Milli Məclisin deputatı olan Ana Vətən Partiyasının sədri Fəzail Ağamalının adı dələduzluqla bağlı cinayət işində keçir.

Gununsesi.info xəbər verir ki, zərərçəkmişlərin Fəzail Ağamalı tərəfindən aldadıldığı, dələduzluq yolu ilə ələ keçirilən pulların ona çatdığı barədə ifadə verilib.

Həm Birinci Qarabağ müharibəsinin, həm də 44 günlük Vətən müharibəsinin iştirakçısı olan Məhərrəm İsmayılov bu cinayət işinə görə həbs olunub. Ona qarşı Cinayət Məcəlləsinin 178.2.2 və 178.2.4 (dələduzluq, təkrar və xeyli miqdarda ziyan vurmaqla törədildikdə) maddələrilə ittiham irəli sürülüb. O, iki nəfəri onlara məxsus torpaq sahəsini təyinatını dəyişmək adı ilə aldadıb pul almaqda ittiham olunur.

İttihama əsasən, Quba rayonun Əski İqrik kəndində yerləşən torpaq sahəsi üçün Masazır qəsəbəsində zərərçəkmişlərdən birindən 15 min, Lökbatan qəsəbəsində isə başqa zərərçəkəndən 10 min manat pul alıb.

Zərərçəkmişlərin Məhərrəm İsmayılovla birbaşa tanışlığı olmayıb. Onu tanıyan şahidlər isə bildiriblər ki, illər əvvəl "Qarabağ Qaziləri və Şəhid Ailələrinə Dəstək” ictimai birliyini sədri kimi tanıyıblar. Onun müəyyən vəzifəli adamlarla münasibəti olduğunu eşidib, torpaq məsələsini də həll edə biləcəyini düşünüb ona pul veriblər.

1963-cü il təcəllüdlü Məhərrəm İsmayılov istintaqa ifadəsində bildirib ki, zərərçəkənlərə onun vasitəçiliyi ilə, amma Fəzail Ağamalı tərəfindən ziyan vurulub. Onun sözlərinə görə, həmin vaxt Fəzail Ağamalı hələ deputat idi: "Amma niyəsə ancaq məni itiham edirlər. Mən yalnız vasitəçi olmuşam. Əhlimanla yaxın münasibətlərimiz vardı, zəng eləyib dedi ki, Lökbatanda bir tanışı var, həyətyanı torpaq sahəsinin təyinatını dəyişib, qeyri-yaşayış eləmək istəyir, ona kömək eləyə bilərsən? Ona dedim ki, Milli Məclisdən Fəzail Ağamalı ilə tanışlığımız var, onunla məsləhətləşim, razlııq versə, həll eləyərəm. Bir neçə gündən sonra Fəzail müəllimlə görüşdüm, məsələ barədə məlumat verdim, dedi ki, həll eləyə bilərəm”.

Məhkəmənin hökmü ilə Məhərrəm İsmayılov 3 il 6 ay azadlıqdan məhrum edilib. Əvvəl zərərçəkənlərin hər ikisi ondan şikayətçi olub, sonradan biri şikayəti geri götürüb.

Məsələ ilə bağlı əməkdaşımız sabiq deputat Fəzail Ağamalı ilə əlaqə saxlayıb.

O, ona qarşı irəli sürülən bu ittihamın əsassız və şər olduğunu bildirir:

"Məhərrəm İsmayılov dələduzluqda ittiham olunur. Siz onun sözünə niyə inanırsınız? O adam mənə şər atır, dediklərinin heç birinin əsası yoxdur. Yalan danışır. Əhəmiyyət verməyin”.

Qeyd edək ki, 2024-cü ildə keçirilən son parlament seçkilərində Milli Məclisdə Fəzail Ağamalı yox, onun qızı Günay Ağamalı təmsil olunur. O da atasının rəhbərlik etdiyi Ana Vətən Partiyasının Qadınlar Şurasının sədridir.

Mənbə: Gununsesi.info

Xəbərin oxunma sayı : 736