AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Ağdam RİH-in sirli tenderləri: 9 ayda 15 müqavilə - Qalib şirkətlərin sahibi kimdir?


Tarix 09.10.25, 16:07	Font ölçüsü : - / +

Ağdam Rayon İcra Hakimiyyəti 2025-ci ilin 9 ayında 15 satınalma müqaviləsi imzalayıb.

Qaynarinfo xəbər verir ki, bu müqavilələrin altısı açıq tender, yeddisi kotirovka sorğusu, ikisi isə birmənbə metodu ilə keçirilən satınalma müsabiqəsi üzrə bağlanıb.

İcra hakimiyyətinin açıq tender metodu ilə keçirdiyi müsabiqələrin satınalma predmetləri aşağıdakılardır:

* Ağdam rayon ərazisində abadlaşdırma;

* Quzanlı qəsəbəsində daş evlər adlanan ərazidə fərdi yaşayış evlərinin əsaslı təmiri;

* Quzanlı qəsəbəsi ərazisində qeyri-yaşayış binasının əsaslı təmiri;

* Quzanlı qəsəbəsi H. Əliyev prospektində yolun əsaslı təmiri;

* Ağdam rayon ərazisində yolların əsaslı təmiri.

Bu satınalma müsabiqələrində "Dream Construction" MMC, "FEB-222 TİXS" MMC və "MR Development" MMC seçilib. Beləliklə, Ağdam Rayon İcra Hakimiyyəti 6 satınalma müsabiqəsi üzrə "Dream Construction” MMC ilə 3, "FEB-222 TİXS" MMC ilə 1, "MR Development” MMC ilə isə 2 müqavilə bağlayıb. Satınalma müqavilələrinin ümumi maliyyə dəyəri 1 384 530,99 manat təşkil edir.

"Dream Construction” MMC 20 may 2014-cü ildə qeydiyyata alınıb. Nizamnamə kapitalı 5515 manat olan şirkət 2022-ci ilədək "Otaxlı” MMC adı altında fəaliyyət göstərib.

"Dream Construction” MMC-nin hüquqi ünvanı Bakı şəhəri Nizami rayonu, Heydər Əliyev prospekti, ev 152-də yerləşir. Şirkətin qanuni təmsilçisi Cavadov Cavid Elman oğludur.

MMC haqqında açıq mənbələrdə heç bir məlumata rast gəlinmir. Baxmayaraq ki, şirkət 21 ildir fəaliyyət göstərir. Bu müddət ərzində "Dream Construction” MMC-nin hətta veb-saytı hazırlanmayıb. Daha doğrusu, şirkətin saytı var, lakin işləmir. Bu hal ciddi şirkətlər üçün xarakterik olmadığına görə "Dream Construction” MMC-ni həmin kateqoriyaya aid etmək mümkün deyil.

Bəs, bu halda Ağdam Rayon İcra Hakimiyyəti hansı üstünlüklərinə görə ümumi maliyyə dəyəri 816 590,2 manat təşkil edən müqavilələr bağlayıb Sualın cavabı açıq qalır.

"FEB-222 TİXS" MMC də kifayət qədər maraqlı şirkətdir. Ağdam Rayon İcra Hakimiyyəti açıq tender üsulu ilə bir satınalma müqaviləsi imzaladığı bu şirkətlə həm də birmənbə metodu ilə iki müqavilə bağlayıb.

Açıq tender üzrə imzalanan satınalma müqaviləsində Quzanlı qəsəbəsində daş evlər adlanan ərazidə fərdi yaşayış evlərinin əsaslı təmiri, birmənbə metodu üzrə imzalanan müqavilələrdə isə kommunal xidmətlərin satın alınması və Ağdam rayon ərazisində inzibati binanın əsaslı təmiri işləri nəzərdə tutulur.

"FEB-222 TİXS” MMC 20 aprel 2017-ci ildə qeydiyyata alınıb. Nizamnamə kapitalı 10 manatdır. Şirkətin hüquqi ünvanı Bakı şəhəri Yasamal rayonu, Şərifzadə küçəsi,ev 69, mənzil 22-də yerləşir. MMC-nin qanuni təmsilçisi Bağırov Fərhad Elmidar oğludur.

Şirkətə cari ildə 40 manat maliyyə sanksiyası tətbiq edilib. Səbəb isə "FEB-222 TİXS” MMC-nin vergi hesabatını vaxtında təqdim etməməsidir. Açıq mənbələrdə bu şirkət haqqında da heç bir məlumat yoxdur.

İcra Hakimiyyətinin "FEB-222 TİXS” MMC ilə imzaladığı müqavilələrdən görünür ki, şirkət inşaat, həm də xidmət sektorunda fəaliyyət göstərir. Maraqlıdır ki, Ağdam Rayon İcra Hakimiyyəti kommunal xidmətlərin satın alınması və təmir işləri ilə bağlı şirkətlə birmənbə metodu üzrə müqavilələr bağlayıb.

"Dövlət satınalmaları haqqında” Qanunda birmənbə metodunun tətqbiqi halları aşağıdakı kimi təsnifatlaşdırılıb:

49.1.1. satınalma predmeti yalnız hər hansı konkret təchizatçıda olduqda və ya hər hansı konkret təchizatçı həmin satınalma predmeti üzərində xüsusi hüquqlara malik olduqda və satınalma predmetinin əvəzedicisi və alternativi olmadıqda;

49.1.2. satınalma predmetinə təcili tələbat yarandıqda:

49.1.2.1. tələbatın təcili olmasına gətirib çıxarmış halları qabaqcadan görmək qeyri-mümkün olarsa və ya bu hallar satınalan təşkilatın bilərəkdən gözləməsinin nəticəsi olmadıqda;

49.1.2.2. təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə;

49.1.3. satınalan təşkilat hər hansı təchizatçıdan satınalma predmetini satın aldıqdan sonra standartlaşdırma mülahizələrinə əsasən və ya mövcud satınalma predmetinə uyğunluğu təmin etmək zərurəti baxımından satınalma predmetini həmin təchizatçıdan satın alınması qənaətinə gəldikdə, habelə keçirilməsi planlaşdırılan satınalma texnoloji və ya müəlliflik hüququ baxımından əvvəlki satınalma predmetinin davamı olduqda.

Ağdam Rayon İcra Hakimiyyətinin bu hallardan hansına istinad edərək "FEB-222 TSİX” MMC ilə birməndə metodu üzrə müqavilələr bağladığına aydınlıq gətirmək üçün qurumla əlaqə saxlamaq cədhlərimiz boşa çıxdı.

Ağdam Rayon İcra Hakimiyyətinin 2 satınalma müqaviləsi imzaladığı "MR Development” MMC-yə gəlincə, şirkət 4 sentyabr 2024-cü ildə qeydiyyata alınıb. Nizamnamə kapitalı 10 manatdır. Şirkətin qanuni təmsilçisi Məmmədov Toğrul Fikrət oğludur. Açıq mənbələrdə MMC haqqında heç bir məlumat yoxdur.

Araşdırmalarımız zamanı məlum olub ki, "MR Development” MMC cari ilin fevral ayınadək "Bozdağ 24” MMC adı ilə faəliyyət göstərib. Maraqlıdır ki, artıq fəaliyyətinin 11-ci ayında Ağdam Rayon İcra Hakimiyyətindən iki sifariş alıb.

Qurumun yeni yaranan, maddi-texniki bazasının hansı səviyyədə olduğu bəlli olmayan şirkətə birdən-birə maliyyə dəyəri 300 min manatdan artıq olan iki sifariş verməsi maraqlıdır.

Ağdam Rayon İcra Hakimiyyətinin digər müqavilələri ilə bağlı araşdırmalarımız davam edir.

Qeyd edək ki, Ağdam rayonuna Vaqif Həsənov rəhbərlik edir. O, 2018-ci ildən bu rayonunun icra başçısıdır.