AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Anar Əlizadə bir çox ölkələrdə həbs oluna bilər - Saxta pasportla gəzdiyinə görə


Tarix 29.11.25, 12:18	Font ölçüsü : - / +

Anar Əlizadənin ikinci saxta pasportu üzə çıxıb - Qalmaqallı iş adamı 10 il boyunca Türkiyə pasporu daşıyıb…

Türkiyənin verdiyi sənəd 2013–2023-cü illər ərzində etibarlı olub və üzərində Əlizadənin fotoşəkli yer alıb.

Poliqon xəbər verir ki, bu barədə məlumatı Britaniyanın Trinity Bugle (trinitybugle.com) portalı oktyabr ayında yayıb. Portal yazır ki, Anar Əlizadə haqqında aparılan araşdırma yeni və diqqətçəkən bir detalla daha da dərinləşib və Union Grand Energy PTE Ltd şirkətinin təsisçisi və rəhbərinə aid olan saxta Türkiyə pasportu ortaya çıxıb. Sənəd 2013–2023-cü illər ərzində etibarlı olub və üzərində Əlizadənin fotoşəkli yer alır. Amma sənəddə Anar Əlizadənin adı və soy adı Arda Akın kimi göstərilir. Maraqlıdır ki, saxta kimlikdə Arda Akın-Anar Əlizadənin doğum yeri Naxçıvan, Azərbaycan göstərilir.

Portal qeyd edir ki, Anar Əlizadəyə aid saxta türk şəxsiyyət vəsizqəsinin ortaya çıxması, həm Azərbaycan hüquq-mühafizə orqanlarının, həm də Avropa İttifaqının sanksiya nəzarət qurumlarının diqqətini cəlb edib. Amma nə Türkiyə, nə də Azərbaycan portalın saxta kimlik barədə sorğularını cavablandırmayıb.

Poliqonun apardığı araşdırma isə göstərib ki, Anar Əlizadənin saxta türk pasportu ilə bağlı məlumatı ilk dəfə Azərbaycan və Türkiyə iş adamı, Palmali Şirkətlər Qrupunun sahibi Mübariz Mənsimov SOCAR-la yaşadığı qarşıdurma fonunda Türkiyədə həbs olunduğu zaman ortaya çıxarıb.

Qeyd edək ki, azərbaycanlı iş adamı, neft maqnatı, “Union Grand Energy” şirkətlər qrupunun sahibi və baş icraçı direktoru, “Baku Business Factory”nin təsisçisi, “Socar Trading”in təsisçisi və keçmiş prezidenti Anar Əlizadənin hazırda Dubayda yaşadığı bildirilir. Onun adı davamlı olaraq bir çox biznes qalmaqallarında hallanır, çirkli pulalrın yuyulmasında, neft qaçaqmalçılığında hallanıb. SOCAR-ın keçmiş yüksək vəzifəli əməkdaşı Adnan Əhmədzadə ilə uzunmüddətli iş əlaqələrinə görə Anar Əlizadə yenidən dünya mediasının diqqət mərkəzindədir.

Ötən ay yerli mətbuat Anar Əlizadənin Bakıya gələrək Adnan Əhmədzadənin cinayət işi ilə bağlı istintaqa ifadə verdikdən sonra Azərbaycanı tərk etdiyini yazıb. Lakin sonradan bu məlumat bəzi iri resurslardan silinib. Maraqlıdır ki, bu hadisəyə Reuters, Blomberg, Repost kimi beynəlxalq nəşrlər də maraq göstəriblər. Misal üçün Reuters Agentliyi “Neftin çirkləndirilməsi işi genişlənir və biznesmen Anar Əlizadəyə aparan izlər güclənir” adlı məqalənin sonunda neftin çirklənməsi ilə və digər ittihamlarla bağlı iş adamı Anar Əlizadənin nə zaman həbs olunacağı sualını qoyur.

Trinity Bugle portalı yazır ki, bu cür saxta sənədlər xüsusilə İran, Rusiya və Venesuela kimi sanksiyaya məruz qalmış ölkələrin nefti ilə işləyən operatorlar arasında geniş yayılıb. Belə sənədlər treyderlərə uçuş biletləri bron etmək, tankerlər icarəyə götürmək və Dubay, Sinqapur və ya Kipr kimi “neytral mərkəzlərdə” diqqət çəkmədən tərəfdaşlarla görüşmək imkanı verir.

“Maliyyə araşdırıcılarının fikrincə, saxta pasport həm də qanunsuz neft gəlirlərinin yuyulması üçün yaradılan ofşor şirkətlərin təsisində mühüm rol oynamış ola bilər. Azerbaycan hüquq-mühafizə qurumları hələlik saxta pasportun yeni ittihamlara səbəb olub-olmayacağını açıqlamayıb. Bununla belə, mövcud sübutlar Anar Əlizadənin biznes fəaliyyətlərinin qəsdən aldatmaya əsaslandığı barədə şübhələri daha da gücləndirir. İstintaq davam edir və sənədin 10 il boyunca necə və hansı miqyasda istifadə olunduğu barədə əlavə detalların yaxın həftələrdə üzə çıxacağı gözlənilir”, deyə portal qeyd edir.

Məsələ ilə bağlı Poliqon-a açıqlama verən və müəyyən səbələrdən adının açıqlanmasını istəməyən hüquqşünas bildirib ki, həmin saxta pasport çoxsaylı beynəlxalq səfərlərdə və müəyyən biznes əməliyyatlarında istifadə edilə bilər ki, bu da şəxsiyyətin gizlədilməsi və yoxlamaların asan keçilməsi ehtimalını gündəmə gətirir.

Hüquqşünas bildirib ki, saxta pasport iddiası təsdiqini tapsa, Anar Əlizadənin həmin sənədlə getdiyi ölkələrdə iş adamı haqqında çinayət işləri açıla bilər və bu Anar Əlizadə üçün ağır nəticələr doğurar. Bunlara sənəd saxtakarlığı, sərhəd keçmə qaydalarının pozulması, pulların yuyulması və digər əlaqəli maddələr üzrə məsuliyyət riski mövcuddur.

Eyni zamanda, saxta pasportun bank hesablarının açılması, şirkət qeydiyyatı və ya ticarət əməliyyatları üçün istifadə olunubsa, bu da ayrıca cinayət məsuliyyəti yaradar. Belə hallar təsdiqlənərsə, kommersiya saxtakarlığı və maliyyə fırıldağı kimi əlavə hüquqi risklər də gündəmə gələ bilər.

Xatırladaq ki, Anar Əlizadənin saxta sənəddən istifadə etməsi ilə bağlı 16 aprel 2023-cü ildə musavat.com saytı da məlumat yayıb. Məlumatda bildirilir ki, Serbiyada jurnalist araşdırmalarına əsasən, 2022–2025-ci illər arasında ən azı 204 rusiyalıya Serbiya vətəndaşlığı verilib. Onların əksəriyyəti nə ölkədə yaşamış, nə də rəsmi prosedurları keçmiş şəxslərdir. Hökumət bu addımı “milli maraq”la əsaslandırıb. Bu “xüsusi siyahı”da yer alanlardan biri də azərbaycanlı iş adamı Anar Əlizadədir. SOCAR-ın əvvəlki rəhbərliyinin (Rövnəq Abdullayev) yaxın tərəfdaşı kimi tanınan Əlizadə 2024-cü ilin 28 noyabrında Serbiya vətəndaşlığı alıb. Sənədi imzalayan şəxs – hazırkı baş nazir Miloş Vuçeviçdir.

Tarixə diqqət edərsək, görərik ki, Anar Əlzadə Serbiya pasportunu məhz Türkiyə pasportunun vaxtı bitəndən sonra əldə edib.

Xəbərin oxunma sayı : 1312