Fanat.Az xəbər verir ki, beləliklə turnirin finalçıları müəyyənləşəcək.

Günün ilk matçında "Qarabağ" "Qəbəl"ni qəbul edib. "Azersun Arena"dakı görüşün baş hakimi FIFA referisi Elçin Məsiyev olub. Səfərdəki oyunda 3:1 hesablı qələbə qazanan "köhlən atlar" finala darmadağınla yüksəlib- 5:0.

Yarımfinalın digər oyununda "Neftçi" "Zirə" ilə münasibətlərinə aydınlıq gətirib. "Bakcell Arena"dakı matçı digər beynəlxalq dərəcəli baş hakim Əliyar Ağayev idarə edib. Birinci qarşılaşmada qolsuz "sülh"ə razılaşan komandalar əsas və əlavə vaxtda qol vura bilməyib. Finala yüksələn tərəfi oyunsonrası penaltilər müəyyənləşdirib. 11 metrlik məsafədən zərbələri daha dəqiq yerinə yetirən "Zirə" finala yüksələrək "Qarabağ"a rəqib olub.

Qeyd edək ki, Azərbaycan Kubokunun finalı mayın 27-də keçiriləcək.

Azərbaycan Kuboku

Yarımfinal, cavab oyunları

29 aprel 

Qollar: Ramil Şeydayev, 5;57. Kadi Borqes, 13-pen.; 17. Leandro Andrade, 37. 

Hakimlər: Elçin Məsiyev, Elşad Abdullayev, Pərvin Talıbov, Fərid Hacıyev

Hakim-inspektor: Gülağa Cabarov

AFFA nümayəndəsi: Seymur Səlimli

"Azersun Arena".

(İlk oyun - 3:1)

Hakimlər: Əliyar Ağayev, Zeynal Zeynalov, Akif Əmirəli, Rəşad Əhmədov

Hakim-inspektor: Ramil Diniyev

AFFA nümayəndəsi: Aslan Şahgəldiyev

"Bakcell Arena".

(İlk oyun - 0:0)