FED.az xəbər verir ki, bu barədə «S&P Global Ratings» beynəlxalq reytinq agentliyinin Azərbaycanın xarici və milli valyutada uzunmüddətli və qısamüddətli suveren kredit reytinqlərinin “BB+/B” səviyyəsində təsdiq edilməsinə dair məlumatında deyilir.

«Hərçənd ki, «kölgə iqtisadiyyatı»nın böyük olması bankların baza aktivlərinin həqiqi keyfiyyətini qiymətləndirməyə mane olur»-deyə hesablamada bildirilir.

Agentlik ekspertləri bildirir ki, Azərbaycanın maliyyə sektoru kiçikdir və ÜDM-nin 50%-dən də azdır.

Bunun yaxşı tərəfi odur ki, maliyyə sektorunun hökumət üçün yaradacağı risklər də kiçikdir.

«Maliyyə sektorunun kiçik olması hökumət üçün şərti öhdəliklər riskini məhdudlaşdırır»-deyə açıqlamada deyilir.

Bununla yanaşı, SP analitikləri bank sektorunun zəif tərəflərini də xatırladıblar. «Azərbaycanın bank sistemində struktur zəiflikləri qalmaqdadır. Buraya əvvəlki kimi yüksək olan dollarlaşma səviyyəsi, zəif idarə etmə və beynəlxalq kontekstdə şəffaflığın az olması aiddir». Bundan başqa, SP ekspertləri hesab edir ki, bank sektorunda kreditləşmə və anderraytinq standartları lazım  olandan daha yumşaqdır.