Fanat.Az günün ən maraqlı transfer xəbərlərini təqdim edir: 

 

"The Atletic" idman agentliyi: "İngiltərəli futbolçu Denni İnqz "Sautqempton"un yeni müqavilə təklifini rədd edib. Onunla "Vest Hem", "Tottenhem" və "Aston Villa" kimi klublar maraqlansa da, İnqz qərar verməyə tələsmir və yeni təkliflər gözləyir".

"Liverpool Echo" idman agentliyi: "Liverpul" "Şeffild Yunayted"in norveçli yarımmüdafiəçisi Sander Bergeni öz sırasına qatmaq üçün mübarizəyə qoşulub.

"Mersisaydlılar" həmçinin "Fulhem"dən Andre Zambo-Anqissa və "Vest Bromviç"dən Mateus Pereyranı da Viynaldumun əvəzi olaraq nəzərdə saxlayır."

"The Sun" xəbər agentliyi: "Nyukasl" "Uotford"un ingiltərəli yarımmüdafiəçisi Uill Xyuzla yaxından maraqlanır. İddia edilir ki, "ağ-qaralar" futbolçunu əldə etmək üçün kluba 12 milyon funt sterlinq və Ayzek Haydeni verməlidir". 

"Championat.Asia" idman agentliyi: "Sankt-Peterburqun "Zenit" klubu komandanın liderlərindən olan Sərdar Azmunla vidalaşa bilər. Avropadan bir neçə sərfəli təklif alan iranlı futbolçunun bu yay klubu tərk edəcəyi gözlənilir. Rusiya təmsilçisi hücumçunun yerinə artıq oyunçu da tapıb. Bu, "Persepolis"də oynayan iranlı forvard Şəhriyar Moqanludur.

Qeyd edək ki, daha öncə "Zenit" "Monpelye" in hücumçusu Qaetan Labordeni öz sırasına qatmaq istəyirdi".