Enerjidən yata bilmirəm... - Müğənni Aygün Ağayeva Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI
Axtar
 
  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

KTN-nin yarmarka fiaskosu: Qiymətlər niyə bahadır?

Tarix 27.06.21, 17:55

Font ölçüsü : - / +
bitmap-img6


Kənd Təsərrüfatı Nazirliyi iyunun 26-27-də Bakı şəhəri və Abşeron rayonu ərazisində 3 fərqli ünvanda "Kənddən Şəhərə” həftəsonu yarmarkaları təşkil edəcək.

Məlumata görə, budəfəki yarmarkalarda 40-a yaxın regiondan 100-ə yaxın fermer iştirak edəcək: "Yarmarkalarda fermerlər ümumilikdə 60-a yaxın çeşiddə kənd təsərrüfatı və qida məhsulunun satışını həyata keçirəcək. Satışa çıxarılan məhsulların keyfiyyət göstəricilərinə nəzarət etmək məqsədi ilə yarmarkalarda Azərbaycan Qida Təhlükəsizliyi Agentliyinin Səyyar Qida Laboratoriyası fəaliyyət göstərir. Yarmarkada satılan hər hansı bir məhsulun keyfiyyətində tərəddüd edən alıcılar laboratoriyanın xidmətlərindən ödənişsiz şəkildə faydalana bilərlər”.

Bildirilib ki, yarmarkalar karantin rejiminin tələblərinə əməl olunmaqla keçiriləcək: "Eyni zamanda, yarmarka ərazisində mütəmadi olaraq dezinfeksiya işləri aparılacaq. Yarmarkada iştirak edəcək fermerlər ödənişsiz şəkildə piştaxta, soyuducu, tərəzi və digər avadanlıqlarla yanaşı, tibbi ləvazimatlarla (tibbi maska, dezinfeksiyaedici maddələr, əlcək və.) da təmin olunacaqlar. Yarmarkaya alış-verişə gələcək vətəndaşların temperaturları ölçüləcək, tibbi maskadan istifadəyə və sosial məsafənin gözlənilməsinə xüsusi diqqət yetiriləcək. "Kənddən Şəhərə” həftəsonu yarmarkalarının təşkilində əsas məqsəd Bakı və Abşeron sakinlərini təbii və sağlam kənd məhsulları ilə təmin etmək, eləcə də yerli fermer təsərrüfatları üçün alternativ satış kanalı yaratmaqdır”.

"Kənddən şəhərə” yarmarkalarının keçiriləcəyi ünvanlar aşağıdakı kimidir:
- Nərimanov rayonu, Fətəli xan Xoyski küçəsi, 5 ("Gənclik” metro stansiyasının çıxışı);
- Binəqədi rayonu, Süleyman Sani Axundov, 5B ("İnqilab” kinoteatrının yanı);
- Xırdalan şəhəri, Heydər Əliyev prospekti, 41A.

Maraqlıdır, kənd təsərrüfatı yarmarkaları ucuzluq adı altında yaradılan süni görüntüdür? Ümumiyyətlə, yarmarkalar iqtisadiyyatımıza gəlir gətirirmi?

Mövzu ilə bağlı Cebhe.info-ya danışan iqtisadçı-ekspert Natiq Cəfərli belə deyib: "Bakı şəhərində keçirilən kənd təsərrüfatı yarmarkaların mahiyyəti ondan ibarət olmalıdır ki, "tarladan-süfrəyə" konsepsiyası həyata keçirilsin. Yəni fermerlərin birbaşa öz məhsullarını tarladan Azərbaycan vətəndaşının süfrəsinə qədər çatdırmağa imkanı olsun. Əgər yarmarkalar belə prinsiplərlə hərəkət edəcəksə, bu zaman yarmarkaların keçirilməsinin müəyyən əhəmiyyəti olacaq. Yox, əgər fermərlərdən, öz məhsullarını istehsal edən insanlardan kimlərsə, məhsulları alıb gətirib həmin yarmarkalarda o məhsualları satırlarsa, yarmarkaların mahiyyəti itmiş olur. Ona görə də idea olaraq belə yarmarkaların keçirilməsi doğru ideadır. Sadəcə, onun həyata keçirilməsi üçün prinsiplər, sistem elə qurulmalıdır ki, fermerlər tarladan süfrəyə, vətəndaşa çatdırılacaq zəncirdə birbaşa özləri iştirak edə bilsinlər. Əgər elə bir zəncir yaradılacaqsa, bu yarmarkaların keçirilməsinin nəticəsi olacaq".



Xəbərin oxunma sayı : 760




İqtisadiyyat

Xəbərlər

ARXİV
Əlaqə | Haqqımızda  
Buy website traffic cheap