AzFakt

Kamran Ağayevlə bağlı inanılmaz iddialar: Əhmədzadənin xalası oğlunun şirkəti qaçaqmalçılıq edir?..

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Leysan Məmmədovun birmənbə metodu: Xocavənddə 40 evi 2,3 milyona təmir edəcək şirkət kimindir?


Tarix 12.11.25, 18:07	Font ölçüsü : - / +

Ağdam, Füzuli və Xocavənd Rayonlarında Bərpa, Tikinti və İdarəetmə Xidməti "İmza Construction” MMC ilə satınalma müqaviləsi bağlayıb.

Qaynarinfo xəbər verir ki, müqavilədə Xocavənd rayonunun Qarakənd kəndində fərdi yaşayış (40 ev - 6732 m2) evlərinin təmiri nəzərdə tutulur. Ümumi sahəsi 6732 kv.metr olan 40 evin təmirinə görə şirkətə 2 349 468 manat ödəniləcək. Bu halda 1 kv.metr sahənin təmiri 349 manata başa gələcək.

İqtisadiyyat Nazirliyi yanında Dövlət Vergi Xidmətinin kommersiya qurumlarının dövlət reyestri məlumatlarında "İmza Construction” MMC-nin 19 aprel 2006-cı ildə qeydiyyata alındığı göstərilib. Şirkətin nizamnamə kapitalı 1000 manatdır. Hüquqi ünvanı Bakı şəhəri Səbail rayonu, Badamdar qəsəbəsi, ev 92C, 6012-ci məhəllə, giriş 4, mənzil 232-də yerləşir. MMC-nin qanuni təmsilçisi Əliyev Azər Oqtay oğludur.

Şirkət 2024-cü ilədək "Ehram” MMC adı ilə fəaliyyət göstərib. Həmin ildə adı dəyişdirilib. Azər Əliyevdən əvvəl şirkətin qanuni təmsilçisi Əhmədov Kamran Natiq oğlu, ondan əvvəl isə Əhmədov Natiq Əmiraslan oğlu olub. Bu şəxslərin heç bir haqqında açıq mənbələrdə məlumat yoxdur. "İmza Construction” MMC haqqında da hər hansı məlumata rast gəlinmir.

Şirkət cari ildə artıq 4 satınalma müqaviləsi (yazıda bəhs edilən müqavilə də daxil olmaqla) imzalayıb. Ağdam, Füzuli və Xocavənd Rayonlarında Bərpa, Tikinti və İdarəetmə Xidmətindən əvvəl Biləsuvar Rayon İcra Hakimiyyəti ilə 2, Qobustan Rayon İcra Hakimiyyəti ilə isə 1 satınalma müqaviləsi bağlayıb. Şirkət bu müqavilələr üzrə adıçəkilən qurumlardan toplam olaraq 498 162,33 manatlıq sifariş alıb.

Ağdam, Füzuli və Xocavənd Rayonlarında Bərpa, Tikinti və İdarəetmə Xidməti ilə "İmza Construction” MMC arasında bağlanan satınalma müqaviləsinə gəlincə, aydın olur ki, satınalma birmənbə metodu ilə həyata keçirilib. Ümumiyyətlə, dövlət satınalmalarının vahid internet portalı üzərindən apardığımız araşdırma zamanı məlum olub ki, Ağdam, Füzuli və Xocavənd Rayonlarında Bərpa, Tikinti və İdarəetmə Xidmətinin həyata keçirdiyi satınalmaların əhəmiyyəti hissəsi birmənbə metodu ilə baş tutub.

"Dövlət satınalmaları haqqında” Qanunun 49-cu maddəsinə görə birmənbə metodu aşağıdakı hallarda tətbiq edilir:

* 49.1.1. satınalma predmeti yalnız hər hansı konkret təchizatçıda olduqda və ya hər hansı konkret təchizatçı həmin satınalma predmeti üzərində xüsusi hüquqlara malik olduqda və satınalma predmetinin əvəzedicisi və alternativi olmadıqda;

* 49.1.2. satınalma predmetinə təcili tələbat yarandıqda:

* 49.1.2.1. tələbatın təcili olmasına gətirib çıxarmış halları qabaqcadan görmək qeyri-mümkün olarsa və ya bu hallar satınalan təşkilatın bilərəkdən gözləməsinin nəticəsi olmadıqda;

* 49.1.2.2. təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə;

* 49.1.3. satınalan təşkilat hər hansı təchizatçıdan satınalma predmetini satın aldıqdan sonra standartlaşdırma mülahizələrinə əsasən və ya mövcud satınalma predmetinə uyğunluğu təmin etmək zərurəti baxımından satınalma predmetini həmin təchizatçıdan satın alınması qənaətinə gəldikdə, habelə keçirilməsi planlaşdırılan satınalma texnoloji və ya müəlliflik hüququ baxımından əvvəlki satınalma predmetinin davamı olduqda;

* 49.1.4. satınalma predmeti kəşfiyyat və əks-kəşfiyyat fəaliyyətini təmin edən tələbata aid olduqda.

Ağdam, Füzuli və Xocavənd Rayonlarında Bərpa, Tikinti və İdarəetmə Xidmətinin Xocavəndə 40 evin təmiri işlərinin satın alınması üçün birmənbə metodunu tətbiq etməyə heç bir əsas yoxdur.

Birincisi, "İmza Construction” MMC alternativi olmayan şirkət deyil. Ölkədə kifayət qədər nüfuzlu tikinti şirkətləri var.

İkincisi, ortada hər hansı fövqəladə hal yoxdur. Hər halda Xocavənddə epidemiya, texnogen qəzalar baş verməyib.

Üçüncüsü, şirkətlə qurum arasında imzalanan bu müqavilə üzrə satınalma predmeti əvvəlkinin davamı deyil. Ümumiyyətlə, dövlət satınalmalarının vahid elektron portalına yerləşdirilən elanlardan görünür ki, "İmza Construction” MMC Ağdam, Füzuli və Xocavənd Rayonlarında Bərpa, Tikinti və İdarəetmə Xidmətindən birinci dəfədir sifariş alır.

Ağdam, Füzuli və Xocavənd Rayonlarında Bərpa, Tikinti və İdarəetmə Xidmətinin rəhbəri Leysan Məmmədovdur. O, 2006-2021-ci illərdə Gənclər və İdman Nazirliyinin Tikilməkdə olan obyektlərin Müdiriyyətində direktor müavini, daha sonra direktoru, 2021-ci ildən 2022-ci ilin fevral ayına qədər Minatəmizləmə Agentliyində (ANAMA) Aparat rəhbəri və 2022-ci ildə qısa müddət Binəqədi Rayon İcra Hakimiyyəti başçısının müavini vəzifəsində çalışıb.

Ağdam, Füzuli və Xocavənd Rayonlarında Bərpa, Tikinti və İdarəetmə Xidməti bundan əvvəl deputat Ülvi Quliyevin oğlu Orxan Quluzadənin rəhbəri olduğu "Diler İnşaat” şirkəti ilə 8 milyonluq satınalma müqaviləsi bağlayıb.

Xəbərin oxunma sayı : 793