Bu gündən Laçın rayonunun Zabux kəndində ermənilərin məskunlaşdığı  dövlət və xüsusi mülkiyyətin boşaldılması prosesinə başlanılıb.

Xezerxeber.az-ın məlumatına görə, Zabux icmasının rəhbəri Andranik Çavuşyan deyib ki, hər şey müəyyən edilmiş plan üzrə aparılır.

Amma ermənilər bu dəfə özləri özlərinə qarşı quldurluq edir. Zabuxda məskunlaşanlar deyirlər ki, evlərindəki əşyaların daşınması üçün sürücülər onlardan külli miqdarda pul tələb edir. Halbuki onlara söz verilmişdi ki, xərclər Ermənistan dövlətinin hesabına ödəniləcək.

Ermənilərin sonradan “Kaşatağ” adlandırdığı “rayon administrasiyasının rəhbəri” Muşeq Alaverdyan isə əşyaların daşınması, sürücülərin külli miqdarda pul tələb etməsi ilə bağlı şayiələrə toxunaraq, bunun heç də həmişə doğru olmadığını bildirib.

Kənddən köçən ermənilərə evləri və ətrafdakı ağacları yandırmamaq tapşırığı verilib. Lakin erməni xisləti özünü yenə də göstərməkdədir. Kəndi ilk tərk edən ailə "geriyə heç nə buraxmayacağıq" deyərək 5 otaqlı evin içərisinə benzin tökərək onu yandırıb. Bu hərəkəti digər ermənilərin edəcəyi də istisna olunmur.

<iframe width="662" height="371" src="https://www.youtube.com/embed/2zwnZGG2Rr8" title="Ermənilər Zabux kəndindən çıxırlar" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>