AzFakt.com xəbər verir ki, Ağdam təmsilçisi G qrupunun III turunda Yunanıstanda "Olimpiakos"la qarşılaşıb.

"Georgios Karaiskakis" stadionunda reallaşan matçdan Qurban Qurbanovun baş məşqçisi olduğu komanda inamlı qələbə ilə ayrılıb. İlk yarısı qolsuz heç-heçə bitən görüşün 2-ci hissəsində 3 cavabsız qol vuran "köhlən atlar"ın heyətində Ovusu, Veşoviç və Şeydayev fərqləniblər. Beləliklə, "Qarabağ" 2-ci pillədə yerini möhkəmləndirib.  

Qrupun digər oyununda "Frayburq" Almaniyada Fransa "Nant"ını 2:0 məğlub edib.

UEFA Avropa Liqası

Qrup mərhələsi, III tur

6 oktyabr

Qol: Ovusu Kvabena, 68, Marko Veşoviç, 82, Ramil Şeydayev, 86 

"Olimpiakos": 88. Kostas Tsolakis, 2. Şime Vrsalko, 5. Andreas Buxalakis, 6. Yann MVila, 8. Pyer Kunde, 18. Hvan İy Co, 21. Pep Biel, 26. Qonsalo Avila, 45. Oleq Ryabçuk, 66. Pape Abu Sisse, 77. Qarri Rodriges

Baş məşqçi: Miçel Qonsales

"Qarabağ": 1. Şahruddin Məhəmmədəliyev, 2. Qara Qarayev (k) 7. Riçard Almeyda, 10. Abdullah Zubir, 11. Kvabena Ovusu, 13. Bəhlul Mustafazadə, 15. Leandro Andrade, 20. Kadi Borges. 29. Marko Veşoviç, 44. Elvin Cəfərquliyev, 55. Bədavi Hüseynov

Baş məşqçi: Qurban Qurbanov

Hakimlər: İrfan Pelto, Davor Belyo, Damir Laziç, Antoni Bandiç (Bosniya və Herseqovina)

Pirey, "Georgios Karaiskakis"

Xal durumu: "Frayburq" - 9, "Qarabağ" - 6, "Nant" - 3, "Olimpiakos" - 0.