AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

ABŞ məhkəməsi Trampa qarşı çıxdı: Bəzi viza rüsumları ləğv edildi


Tarix 09.06.26, 12:54	Font ölçüsü : - / +

ABŞ-nin federal məhkəməsi Donald Trampın yüksəkixtisaslı xarici vətəndaşlar üçün H-1B vizalarına tətbiq etdiyi 100 min dollarlıq rüsumu ləğv edib. Qurum bunu qeyri-qanuni hesab edib və Konqresin buna icazə vermədiyini vurğulayıb.

Bu barədə "Reuters" agentliyi məlumat yayıb. Ağ Ev administrasiyasının mövqeyinə görə, bu rüsum qanuni bir maliyyə cəriməsidir. Qeyd olunurdu ki, prezident federal immiqrasiya qanunvericiliyinə əsasən, ABŞ-nin maraqlarına zərər verdiyini hesab etdiyi təqdirdə müəyyən əcnəbilərin ölkəyə girişini məhdudlaşdırmaq hüququna malikdir və bu ödənişi tələb edə bilər.

Hakim Leo Sorokin isə qərarında bildirib ki, bu ödəniş cərimə deyil, vergi xarakteri daşıyır. Onun sözlərinə görə, Trampın bu vergini tətbiq etmək üçün Konqresdən icazəsi olmayıb və onu ABŞ Dövlət Departamenti və ya miqrasiya xidməti də təyin edə bilməzdi.

"100 min dollarlıq ödənişin mahiyyəti və tətbiqi qaydası göstərir ki, bu ödənişin necə adlandırılmasından asılı olmayaraq, o, əslində bir vergidir", - deyə Sorokin vurğulayıb.

Qeyd edilib ki, H-1B proqramı çərçivəsində hər il 65 000 viza, həmçinin ali təhsilli işçilər üçün əlavə olaraq üç ildən altı ilə qədər müddətə 20 000 viza ayrılır. Trampın sərəncamından əvvəl xarici işçi üçün viza almaq istəyən işəgötürənlər müxtəlif amillərdən asılı olaraq adətən 2 000-5 000 dollar arasında ödəniş edirdilər.

Bundan başqa, hakim Trampın milli səviyyəli fövqəladə hallarda istifadə üçün nəzərdə tutulmuş qanun əsasında tətbiq etdiyi rüsumları ləğv edən Ali Məhkəmənin qərarına istinad edib. Sorokin aydınlaşdırıb ki, həmin işdəki hakimlərin məntiqinə əsasən, Trampın immiqrasiya qanunvericiliyinə uyğun olaraq vergilər tətbiq etmək səlahiyyəti də yox idi. Ağ Evin mətbuat katibi Teylor Rocers isə bildirib ki, Prezident Administrasiyası hakimin qərarının apellyasiya qaydasında ləğv ediləcəyinə əmindir.

Xatırladaq ki, Donald Tramp H-1B vizalarının verilməsi üçün sözügedən rüsumu ötən ilin sentyabrında tətbiq etmişdi.

Xəbərin oxunma sayı : 352