AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Putin Trampın sülh danışıqları ilə bağlı ümidləri puça çıxardı - CNN


Tarix 11.09.26, 12:06	Font ölçüsü : - / +

Rusiya Prezidenti Vladimir Putinin Ukraynaya qarşı hücumları davam etdirməsi ABŞ Prezidenti Donald Trampın müharibənin dayandırılması ilə bağlı diplomatik səylərinin nəticə verəcəyinə dair ümidləri azdır.

AzFakt.com xəbər verir ki, bu barədə CNN yazıb.

Tramp son günlər Putinin razılaşma əldə etmək istədiyini bildirib. O, Ukrayna Prezidenti Volodimir Zelenskinin də razılaşmaya hazır olması halında bunun müsbət nəticə verəcəyini deyib. Lakin son hadisələr Moskvanın mövqeyində ciddi dəyişiklik olmadığını göstərir.

Belə ki, Rusiyanın pilotsuz uçuş aparatı Moldovanın hava məkanını pozub. Hadisə nəticəsində Zelenskini Norveçə aparan təyyarənin uçuşu gecikdirilib. Moldova rəsmiləri insidentin təsadüfi olmaya biləcəyini bildiriblər.

Bundan başqa, ABŞ-ın xüsusi nümayəndələri Stiv Uitkoff və Cerrad Kuşnerin Kiyevdən ayrılmasından sonra Rusiya Ukraynaya qarşı yeni raket və dron hücumları həyata keçirib. Hücumlar nəticəsində beş nəfərin öldüyü bildirilir.

CNN qeyd edir ki, ABŞ administrasiyasının diplomatik səylərinə baxmayaraq, Moskva ilə Kiyev arasında əsas fikir ayrılıqları qalmaqdadır. Putin münaqişənin "kök səbəblərinin" aradan qaldırılmasını tələb edir. Bu ifadə Rusiyanın Ukraynanın suverenliyi və hərbi imkanlarının məhdudlaşdırılması ilə bağlı tələbləri ilə əlaqələndirilir.

Moskva həmçinin Ukraynanın şərqində Rusiya ordusunun hələ nəzarətə götürmədiyi ərazilərə dair də iddialar irəli sürür. Kiyev isə belə şərtləri qəbul edə bilməyəcəyini bildirir.

Tramp danışıqların gecikməsini Putinlə Zelenskinin bir-birinə qarşı münasibəti ilə izah edib. Onun sözlərinə görə, tərəflər bir-birinə nifrət edir və bu, razılaşmanın əldə olunmasını çətinləşdirir.

ABŞ dövlət katibi Marko Rubio isə yaxın həftələrdə hər iki tərəf üçün qəbul edilə biləcək razılaşmaya nail olmaq şansının olduğunu deyib. Bununla belə, o, danışıqların uğurla başa çatması üçün hələ böyük həcmdə iş görülməli olduğunu vurğulayıb.

CNN hesab edir ki, ABŞ-ın əvvəlki diplomatik təşəbbüslərində də problem yaşanıb. Vaşinqtonun Moskva ilə görüşlərindən sonra irəli sürdüyü bəzi təkliflərin Rusiyanın tələblərinə yaxın olduğu, Zelenskinin müqavimət göstərməsindən sonra isə dəyişdirilən planların bu dəfə Kreml üçün qəbuledilməz olduğu qeyd edilir.

Nəşr yazır ki, bu yanaşma dəyişmədiyi müddətdə Tramp administrasiyasının yeni sülh təşəbbüsünün nəticə verəcəyinə dair gözləntilərə ehtiyatla yanaşmaq lazımdır.

Xəbərin oxunma sayı : 1510