Musavat.com xəbər verir ki, bu barədə 24.kg saytı məlumat yayıb.

Agentliyin məlumatına görə, prokurorlar bütün təqsirləndirilən şəxslərə qarşı təqsirli hökmün çıxarılmasını və müxtəlif müddətlərə azadlıqdan məhrum edilməsini istəyiblər. Müşavirə otağını tərk edən hakim Ubaydulla Sətimkulov əməldə cinayət tərkibi olmadığı üçün təqsirləndirilən şəxslərin hamısına bəraət verib.

Bundan sonra Prezident Aparatının sabiq rəhbəri Fərid Niyazov məhkəmə zalında həbsdən azad edilib.

Məhkəmə üstəlik bəraət almış şəxslərin reabilitasiya hüququnu tanıyıb.

Xatırladaq ki, 2020-ci il oktyabrın 5-6-da Bişkekdə parlament seçkilərinin nəticələrinin saxtalaşdırılmasına etiraz olaraq mitinqlər keçirilib. Oktyabrın 6-da MSK seçkinin nəticələrini ləğv etmək məcburiyyətində qalıb. Lakin hadisələrdən sonra keçmiş prezident və yaxın tərəfdaşları iğtişaşları təşkil etmək ittihamı ilə üzləşiblər.