Rusiyalıların cəbhə xətti boyunca yerləşən məhsulu biçmədiyi qeyd edilir.

Məlumata görə, Ukrayna buğdasının demək olar ki, dörddə biri işğal olunmuş ərazilərdə yetişdirilir.

Bildirilir ki, Rusiya gəmiləri çox güman ki, Ukraynanın işğal olunmuş ərazilərindən Liviya və İran da daxil olmaqla, bir sıra ölkələrə taxıl ixrac edib, lakin yükləri göndərən şirkərlər onların mənşəyini gizlətdikləri üçün məhsulun həcmini dəqiq bilmək çətindir.

Eyni zamanda, Rusiya taxıl oğurlanmasını inkar edir, lakin rəsmilər işğal olunmuş limanlardan taxıl tədarükünün bərpa olunduğunu açıq şəkildə bəyan edirlər.

İsveçrənin baş prokuroru talan edilmiş xammalın kommersiyalaşdırılmasının müharibə cinayəti ola biləcəyi barədə xəbərdarlıq edib.