AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“MedAura”nın “cinayət aurası“ - Klinika rəhbərliyi adı dəyişib aradan çıxır


Tarix 07.03.26, 15:45	Font ölçüsü : - / +

240 min manatdan çox vergi borcu, uğursuz əməliyyatlar, ölüm və koma qalmaqalları ilə gündəmə gələn “MedAura” klinikası fəaliyyətini dayandırmaq əvəzinə adını dəyişərək yenidən bazara qayıtmağa hazırlaşır.

AzFakt.com Medicina.az-a istinadən xəbər verir ki , hazırda sosial şəbəkə hesablarını bağlayan klinika yaxın vaxtlarda tamamilə başqa adla fəaliyyətə başlamağı planlaşdırır.

Məqsəd isə əvvəlki qalmaqalları arxada qoyaraq yeni pasiyentlər cəlb etməkdir. 20 manat kapital, 240 min vergi borcu 2010-cu ildə dövlət qeydiyyatına alınan klinikanın nizamnamə kapitalı cəmi 20 manat təşkil edir.

MMC-nin qanuni təmsilçisi İsbiyev Mübariz Qabil oğlu göstərilir. Dövlət Vergi Xidmətinin məlumatına görə, müəssisə fəaliyyət dövründə iki dəfə adını dəyişib. Klinika əvvəlcə “Nihat Klinika”, 2018-ci ildən isə “MedAura Klinika” MMC kimi fəaliyyət göstərib.

Eyni ünvanda fəaliyyət göstərən klinika əsasən estetik, plastik və kosmetoloji əməliyyatlar üzrə xidmətlər göstərib. Mənbələrin sözlərinə görə, klinikada əməliyyat otaqları müxtəlif həkimlərə və kosmetoloqlara kirayə verilir, həmçinin bazar qiymətindən aşağı qiymətlər elan edilərək müştərilər cəlb olunurdu. Son illərdə isə klinika daha çox uğursuz əməliyyatlar və pasiyent şikayətləri ilə gündəmə gəlib.

Baş həkim dəyişdi

Uzun müddət klinikanın baş həkimi olmuş Nigar Məhəmmədova çoxsaylı pasiyent ağırlaşmaları səbəbindən vəzifəsindən uzaqlaşdırılıb. Hazırda klinikanın baş həkimi Münəzzim Zahidov göstərilir. Lakin klinikanın fəaliyyətində problemlər bununla bitmir.

Dövlətə 241 min manat borc Dövlət Vergi Xidmətinin reyestr məlumatlarına görə, klinikanın hazırda dövlət büdcəsinə 241 690,82 manat vergi borcu var. Bundan başqa, 2011, 2012, 2016, 2017, 2018, 2019, 2021, 2022, 2023 və 2024-cü illərdə vergi hesabatlarını vaxtında təqdim etmədiyinə görə müəssisəyə 15 dəfə maliyyə sanksiyası tətbiq edilib.

Bütün bu pozuntulara baxmayaraq, klinikanın fəaliyyətini davam etdirməsi ciddi suallar doğurur.

Lisenziyasız plastik cərrahiyyə

Səhiyyə Nazirliyinin Analitik Ekspertiza Mərkəzi tərəfindən aparılan plandankənar yoxlamalar zamanı klinikada lisenziyadan kənar fəaliyyət, sertifikatsız plastik cərrahiyyə halları aşkar edilib. Nəticədə klinika barəsində İnzibati Xətalar Məcəlləsinin 215.1 və 215.4-cü maddələri ilə protokol tərtib olunub.

Hətta baş həkim Nigar Məhəmmədovanın belə adı Səhiyyə Nazirliyinin plastik cərrahlar siyahısında yox idi.

Ölən və komaya düşən pasiyentlər

MedAura klinikası ilə bağlı şikayətlərin sayı kifayət qədər çoxdur. Lakin onların yalnız bir hissəsi ictimailəşdirilib.

Ən səs-küylü hadisələrdən bəziləri bunlardır: 2019-cu il Estetik əməliyyat zamanı 1982-ci il təvəllüdlü Pərvanə Ağayeva anesteziyadan sonra həyatını itirib. 2023-cü il Lamiyə Kərimova burun əməliyyatının uğursuz olduğunu bildirərək klinikadan şikayət edib.

2024-cü il aprel Lətafət Məmmədova septoplastika əməliyyatından sonra səhhətinin daha da pisləşdiyini iddia edib. 2024-cü il may Pasiyent üzərində lipoma əməliyyatı aparılmalı olduğu halda əməliyyatın liposaksiya kimi icra edildiyi müəyyən edilib. Məhkəmənin qərarı ilə klinika 6000 manat cərimə olunub.

Ən böyük qalmaqal isə ötən il baş verib. 2024-cü il aprelin 30-da Nigar İlham qızı Budaqlı burun əməliyyatı zamanı komaya düşüb. Hadisə ilə bağlı lor-cərrah Yaqub Əsədi və anestezioloq Cəmilə Əliyeva barəsində Cinayət Məcəlləsinin 314.2-ci maddəsi ilə cinayət işi başlanıb. Pasiyentin əməliyyatdan sonrakı ağır vəziyyətini əks etdirən videogörüntülər sosial şəbəkələrdə geniş yayılıb və hətta xarici mediada da işıqlandırılıb.

Qalmaqallı baş həkimin yeni klinikası

MedAura-da uzun müddət baş həkim olmuş Nigar Məhəmmədova daha sonra MediHall adlı klinikada fəaliyyətini davam etdirib. Lakin bu müəssisədə də qalmaqal yaşanıb. 2025-ci ilin fevralında bədənşəkilləndirmə əməliyyatı etdirən 41 yaşlı Nigar İsmayılova həyatını itirib. Səhiyyə Nazirliyi isə açıqlayıb ki, Nigar Məhəmmədova rəsmi plastik cərrahlar siyahısında yoxdur.

Faktla bağlı Baş Prokurorluq araşdırma aparır.

Ad dəyişmək problemləri həll edəcək?

Onlarla şikayət, ölüm hadisələri, cinayət işləri, vergi borcu və lisenziya pozuntuları… Bütün bunlardan sonra MedAura klinikasının sadəcə adını dəyişərək fəaliyyətini davam etdirməsi ciddi suallar doğurur. Əgər klinika həqiqətən də yeni adla bazara qayıdacaqsa, o zaman əsas sual dəyişməz qalır: Bu qədər qalmaqala baxmayaraq, klinikanın arxasında duran kimdir?

Xəbərin oxunma sayı : 1198