AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Tahir Qədəşovun istirahət mərkəzi hərraca çıxarıla bilər - İş adamı üçün çəmbər daralır


Tarix 18.04.26, 10:25	Font ölçüsü : - / +

"Atlant" istirahət mərkəzinin sahibi Tahir Qədəşovun adının çəkildiyi səs-küylü cinayət işi üzrə məhkəmə prosesi getdikcə daha qalmaqallı mərhələyə keçir. Bakı Ağır Cinayətlər Məhkəməsində keçirilən son iclasda diqqət mərkəzində bu dəfə zərərçəkənlərin və şahidlərin ard-arda səsləndirdiyi ittihamlar olub.

AzFakt.com Musavat.com-a istinadən xəbər verir ki, hakim qarşısına çıxarılan əsas təqsirləndirilən şəxs - Tahir Qədəşovun kürəkəni Nofəl Hacıyev 171 vətəndaşa qarşı 14 milyon manatdan artıq dələduzluqda ittiham olunur. Lakin məhkəmədə səslənən ifadələr bu işin təkcə bir nəfərin üzərinə yüklənə bilməyəcəyini açıq şəkildə ortaya qoyur.

Son iclasda ifadə verən zərərçəkənlər və şahidlər israrla bildiriblər ki, onlardan "Təbriz" MTK vasitəsilə alınan vəsaitlər heç də iddia olunduğu kimi tikinti layihələrinə deyil, məhz "Atlant" Ailəvi İstirahət Mərkəzinin genişləndirilməsi və abadlaşdırılmasına yönəldilib.

Onların sözlərinə görə, mənzil almaq ümidi ilə ödədikləri vəsaitlər sonradan müxtəlif bəhanələrlə ələ keçirilib, nəticədə isə ortada nə mənzil olub, nə də pul. Əvəzində isə həmin pulların "Atlant" layihəsində istifadə edildiyi barədə məlumatlar getdikcə daha çox təsdiqini tapır.

Zərərçəkənlər məhkəmədə açıq şəkildə bildiriblər ki, bu prosesdə yalnız Nofəl Hacıyev deyil, onun şəriki və qayınatası Tahir Qədəşovun da birbaşa rolu olub. Onların sözlərinə görə, "Atlant" layihəsinin arxasında duran əsas qərarverici şəxs məhz Tahir Qədəşov olub və vəsaitlərin yönləndirilməsi onun göstərişi ilə həyata keçirilib.

"171 nəfərin pulu ilə tikilən obyekt…"

Məhkəmə zalında səslənən ən ağır ittihamlardan biri də məhz bu olub: zərərçəkənlər bildiriblər ki, "Atlant" İstirahət Mərkəzi faktiki olaraq 171 vətəndaşın pulu hesabına tikilib və genişləndirilib.

Onlar qeyd ediblər ki, istintaq zamanı artıq bu vəsaitlərin "Atlant"a yönəldildiyi təsdiqlənib. Bu səbəbdən də zərərçəkənlər yalnız Nofəl Hacıyevin deyil, Tahir Qədəşovun da cinayət məsuliyyətinə cəlb olunmasını tələb edirlər.

Zərərçəkənlər məhkəməyə müraciət edərək Tahir Qədəşovun prosesə cəlb olunmasını, ifadə vermək üçün məhkəməyə gətirilməsini və barəsində həbs qətimkan tədbirinin seçilməsini tələb ediblər. Onlar hesab edirlər ki, şəriklərdən birinin həbsdə, digərinin isə azadlıqda qalması hüquqi ədalət prinsipinə ziddir.

Bununla yanaşı, zərərçəkənlər "Atlant" Ailəvi İstirahət Mərkəzinin üzərinə qoyulmuş həbsin qüvvədə saxlanılmasını və obyektin hərraca çıxarılaraq əldə olunan vəsait hesabına dəymiş ziyanın ödənilməsini istəyiblər. Nofəl Hacıyev isə məhkəmədə verdiyi ifadəsində vətəndaşlardan topladığı 14 milyon manatdan artıq vəsaiti "Atlant" İstirahət Mərkəzinin təmir-tikinti işlərinə yönəltdiyini bir daha təsdiqləyib. O bu addımı qayınatası Tahir Qədəşovla birgə layihə çərçivəsində atdığını bildirib.

Bu isə istintaqın əvvəlki mərhələsində cavabsız qalan əsas suallardan birinə - "itən milyonlar haradadır?" sualına qismən də olsa cavab verir. Lakin ortaya yeni və daha ciddi sual çıxır: əgər vəsaitlərin istiqaməti məlumdursa, niyə bu işdə adı keçən bütün şəxslər eyni hüquqi status daşımırlar?

Qalmaqallı iş üzrə növbəti məhkəmə prosesi aprelin 21-nə təyin olunub.

Xəbərin oxunma sayı : 1681