AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

“İran dövlət qurumlarının Rüşdiyə qarşı zorakılıq çağırışı iyrəncdir” - Blinken


Tarix 15.08.22, 10:37	Font ölçüsü : - / +

İran dövlət qurumları ardıcıl olaraq Nyu-Yorkda hücuma məruz qalan britaniyalı yazıçı Salman Rüşdiyə qarşı zorakılığa çağırıb.

“Report” xəbər verir ki, bu barədə ABŞ dövlət katibi Entoni Blinkenin bəyanatında deyilir.

Onun sözlərinə görə, Rüşdi insan haqlarının davamlı müdafiəçisi olub.

“Hüquq-mühafizə orqanlarının əməkdaşları hücumu araşdırarkən yadıma nifrət nitqi və zorakılıq çağırışları da daxil olmaqla, bu hüquqları pozmağa çalışan bədxah qüvvələr düşür. İranın dövlət strukturları, xüsusən də, nəsillər boyu Rüşdiyə qarşı zorakılığa çağırışlar edir və dövlətə bağlı media onun həyatına sui-qəsddən öyünür. Bu iyrəncdir”.

Dövlət katibi əlavə edib ki, Birləşmiş Ştatlar tərəfdaşları ilə birlikdə bütün mövcud imkanlardan istifadə edərək, bu təhlükələrə sarsılmaz müqavimət göstərəcək:

“Rüşdinin və bu cür təhlükələrlə üzləşmiş bütün dünyada olanların gücü bizim qətiyyətimizi gücləndirir və bu universal hüquqlara meydan oxuyanlarla mübarizədə beynəlxalq ictimaiyyətin birliyini qorumağın zəruriliyini vurğulayır”.

Qeyd edək ki, Salman Rüşdi avqustun 12-də ABŞ-ın Nyu-York şəhərində “Chautauqua” İnstitutunda mühazirəsindən əvvəl hücuma məruz qalıb. Naməlum şəxs səhnəyə çıxaraq 75 yaşlı Rüşdini boynundan və mədəsindən bıçaqlayıb. Hadisəni törədən şəxs saxlanılıb.

S.Ruşdinin illər əvvəl yazdığı “Şeytan ayələri” romanı müsəlmanların ciddi etirazına səbəb olub. İranın dini lideri ayətullah Xomeyni fətvasında Ruşdini açıq şəkildə lənətləyərək onu, eləcə də kitabın nəşrində iştirak edən bütün şəxsləri ölüm hökmünə məhkum edib və dünya müsəlmanlarını bunu yerinə yetirməyə çağırıb.

Yazıçı 2016-cı ildə 2000-ci ildən yaşadığı ABŞ vətəndaşlığını alıb.

Salman Rüşdi bir çox müsəlmanın küfr kimi qiymətləndirdiyi “Şeytan ayələri” əsərinə görə dəfələrlə təhdidlər alıb. Kitab 1988-ci ildən İranda qadağan edilib. Eyni zamanda, İran hökuməti sonradan fətvadan uzaqlaşsa da, ölkədə yazıçıya qarşı mənfi münasibət qalmaqdadır.

Xəbərin oxunma sayı : 790