AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Əmək Müfəttişliyi vəfat etmiş şəxslərə cərimə yazır? - Təfərrüat


Tarix 30.07.26, 13:25	Font ölçüsü : - / +

Fəaliyyəti 2022-ci ildən rəsmi qaydada dayandırılan “AESTHETIC DERMAL FILLER” MMC-nin direktoru Nail Adıgözəlli minimum əməkhaqqından aşağı məbləğdə əməkhaqqı verdiyi səbəb göstərilərək 1000 manat cərimələnib.

Yeniavaz.com xəbər verir ki, bu barədə şirkətin direktoru Nail Adıgözəlli məlumat verib.

Direktorun sözlərinə görə, sözügedən dövrdə müəssisə heç bir fəaliyyət göstərməyib, gəlir əldə etməyib, işçi əməyindən istifadə etməyib və ümumiyyətlə əməkhaqqı ödənişi həyata keçirməyib:

“Şirkətin fəaliyyəti 17 aprel 2022-ci ildən 17 aprel 2027-ci ilədək vergi orqanlarında müvəqqəti dayandırılıb. Buna baxmayaraq, Dövlət Əmək Müfəttişliyi Xidməti 28 aprel 2026-cı ildə İnzibati Xətalar Məcəlləsinin 192.3-cü maddəsi ilə elektron qərar qəbul edib. Qərardan verilmiş şikayət 8 iyun 2026-cı ildə təmin olunmayıb, həmin qərar isə yalnız 20 iyul 2026-cı il tarixli məktubla təqdim edilib”.

Nail Adıgözəlli Dövlət Əmək Müfəttişliyi Xidmətinin bu qərarına etiraz edərək bildirib ki, qanun minimum əməkhaqqından aşağı məbləğin əmək müqaviləsində göstərilməsinə görə deyil, həmin məbləğin işçiyə faktiki ödənilməsinə görə məsuliyyət nəzərdə tutur.

Onun sözlərinə görə, qərarda əməkhaqqının nə vaxt, hansı sənəd əsasında və hansı üsulla ödənildiyini təsdiq edən heç bir bank çıxarışı, kassa sənədi və ya əməkhaqqı cədvəli yoxdur:

“Cərimə yalnız elektron sistemdə əvvəlki dövrdən qalmış əmək müqaviləsində göstərilən məbləğə əsaslanıb.

Digər diqqətçəkən məqam isə elektron sistemdə işçi kimi görünən şəxsin elə şirkətin direktoru və qanuni təmsilçisi olmasıdır. Şirkətdə başqa işçi olmayıb, direktor real əmək funksiyası yerinə yetirməyib və özünə əməkhaqqı ödəməyib. Belə olan halda, fəaliyyəti dayandırılmış müəssisənin direktorunun özünə minimum əməkhaqqından aşağı maaş verməklə guya öz əmək hüququnu pozması barədə nəticəyə gəlinməsi həm hüquqi, həm də məntiqi baxımdan suallar doğurur.

Qərardan sonra elektron sistemdə qalmış məlumatın aradan qaldırılması məqsədilə əmək müqaviləsinə 30 aprel 2026-cı ildə xitam verilib. Lakin sonradan edilmiş bu texniki düzəliş əvvəlki dövrdə əməkhaqqı ödənildiyini sübut etmir. Buna baxmayaraq, şikayətə baxan orqan məhz müqavilənin sistemdə qalmasına və qərardan sonra ləğv edilməsinə istinad edərək ilkin cəriməni qüvvədə saxlayıb”.

Nail Adıgözəllinin müraciətində məsələ ilə bağlı daha ciddi iddialar da yer alıb.

Bildirilib ki, araşdırma zamanı oxşar cərimələrin yalnız fəaliyyəti dayandırılmış müəssisələrə deyil, artıq hüquqi şəxs kimi ləğv edilmiş şirkətlərə, hətta vəfat etmiş şəxslərin adına da tətbiq edildiyi müəyyən olunub:

“Bu məlumatlar təsdiqini taparsa, söhbət ayrı-ayrı texniki səhvlərdən deyil, faktiki hallar yoxlanılmadan elektron məlumatlar əsasında avtomatik cərimələrin tətbiqindən gedə bilər.

Minimum əməkhaqqı ilə bağlı qanunvericiliyin əsas məqsədi işçilərin əmək hüquqlarını qorumaqdır. Lakin ortada nə fəaliyyət göstərən müəssisə, nə faktiki işçi, nə görülmüş iş, nə də ödənilmiş əməkhaqqı olduğu halda cərimə tətbiq edilməsi bu məqsədə xidmət etmək əvəzinə, vətəndaş üçün əsassız inzibati yük yaradır”.

Hazırda Nail Adıgözəlli qərardan məhkəməyə şikayət etməyə hazırlaşır. O, Dövlət Əmək Müfəttişliyi Xidmətindən əməkhaqqının faktiki ödənildiyini sübut edən sənədlərin açıqlanmasını, həmçinin fəaliyyəti dayandırılmış və ləğv edilmiş müəssisələrlə bağlı tətbiq olunan cərimələrin yenidən araşdırılmasını tələb edir.

Məsələ ilə bağlı Yeniavaz.com-a açıqlama verən hüquqşünas Əkrəm Həsənov bildirib ki, fəaliyyəti dayandırılmış şirkətə aktiv əmək müqaviləsinə görə cərimə yazılması düzgün deyil:

“Amma Əmək Müfəttişliyini də başa düşmək olur. Onlar sistemə baxır, görür ki, müqavilə aktivdir. Halbuki faktiki vəziyyəti araşdırmalı idilər. Şirkət fəaliyyətini dayandırıbsa, bu barədə vergi orqanından məlumat əldə edə bilərdilər və etməli idilər. Digər tərəfdən, şirkət rəhbərliyinin də müəyyən məsuliyyəti var. Fəaliyyət dayandırılarkən əmək müqavilələrinə də xitam verilməli idi. Ancaq faktiki əmək münasibəti olmayıbsa, bunu əsaslandırmaq mümkündür".