AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Sovet təhsil elitası və cavabsız qalan suallar:Rektor 6 il sonra universitetə necə daxil olub?


Tarix 21.01.26, 15:04	Font ölçüsü : - / +

Sovet dönəmində Bakıda cəmi iki nüfuzlu təmayül məktəbi fəaliyyət göstərirdi: Kimya-Biologiya və Fizika-Riyaziyyat. Bu məktəblər sıradan orta təhsil müəssisələri deyildi, buranı bitirənlər faktiki olaraq ölkənin təhsil elitası hesab olunurdu. Statistikaya görə, həmin məktəblərin məzunlarının təxminən 99 faizi ilk ilcə Bakıda ali məktəblərə qəbul olunurdu.

Bu reallıq fonunda bəzi bioqrafik faktlar istər-istəməz sual doğurur.

AzFakt.com xəbər verir ki,1979-cu ildə 5 saylı kimya-biologiya təmayüllü məktəbi bitirmiş,hal-hazırda Azərbaycan Dövlət İqtisadiyyat Universitetinin rektoru,professor Ədalət Muradov Azərbaycanda imtahan verib ali məktəbə daxil ola bilmir. Orta məktəbi bitirdikdən 6 il sonra 1985-ci ildə Taras Şevçenko adına Kiyev Dövlət Universitetinin İqtisadiyyat fakültəsinə daxil olur və 1990-cı ildə həmin fakültəni bitirir.

Taras Şevçenko adına Kiyev Dövlət Universiteti

Sual isə açıq qalır,əgər həmin dövrdə bu məktəblərin məzunları, orta məktəbi bitirən kimi ali məktəblərə qəbul olunurdusa, niyə bu istisna baş verdi?

Sovet reallıqları yaxşı xatırlanır ki, o dövrdə Bakıda ali məktəblərə qəbul ola bilməyən, zəif oxuyan və ya imtahanlarda uğur qazana bilməyən abituriyentlər SSRİ-nin müxtəlif şəhərlərinə – Ukrayna, Rusiya, Belarus universitetlərinə üz tuturdular. Bu, yazılmamış, amma hamıya məlum olan bir praktika idi.Məhz bu kontekstdə kimya-biologiya təmayüllü 5 saylı məktəbin məzunu Ədalət Muradovun bioqrafiyasında ciddi və izaha ehtiyacı olan ziddiyyətlər üzə çıxır.Əgər hər şey bu qədər ideal idisə, bəs nə üçün elit məktəb məzunu orta məktəbi bitirdikdən sonra, 6 il ərzində ali məktəbə daxil ola bilməyib?

Ədalət Murdov 1993-cü ildə "Bazar iqtisadiyyatına keçid şəraitində region iqtisadiyyatının struktur dəyişiklikləri" ("Структурные преобразования экономики региона при переходе к рынку") mövzusunda namizədlik dissertasiyasını, 1995-ci ildə isə Kiyev Dövlət Universitetində doktoranturaya daxil olmuş və 1998-ci ildə isə "Keçid iqtisadiyyatının dünya təsərrüfatı sisteminə inteqrasiyası" ("Интеграция переходной экономики в систему мирового хозяйства") mövzusunda doktorluq dissertasiyasını müdafiə etmişdir.

Akademik karyera ilə bağlı iddialı mövqelərdə olan şəxslərin keçmişi tənqid və suallar üçün açıq olmalıdır. Xüsusən də bu keçmiş, dövrün ümumi təhsil statistikası ilə ziddiyyət təşkil edirsə.Daha maraqlısı odur ki, bu uzun “susqunluq dövrü”ndən sonra birdən-birə Ukraynada universitetə qəbul, ardınca sürətli akademik yüksəliş təqdim olunur. Bu sual cavabsız qaldıqca, təqdim olunan akademik uğurlar da şübhə altına düşür. Çünki cəmiyyət təkcə diplomlara yox, o diplomlara gedən yolun dürüstlüyünə inanmaq istəyir.

Xəbərin oxunma sayı : 1432