Azərbaycanı turnirdə təmsil edən "Qarabağ" da ilk oyununa çıxıb.

Qurban Qurbanovun baş məşqçi olduğu komanda Almaniyada "Frayburq"un qonağı olub.

"Europa-Park" stadionunda baş tutacaq qarşılaşmaya fəal başlayan meydan sahibləri 15-ci dəqiqəyə kimi biri penaltidən olmaqla, 2 qol  vurub. Ancaq qolların şokundan ayılan "köhlən atlar" fasiləyə qədər fərqi minimuma endirməyi bacarıb. Veşoviç fasilə ərəfəsində almaniyalıların qapısına yol tapıb. İkinci hissədə də üstün oyun sərgiləyən və ərazi üstünlüyünə sahib olan "Qarabağ" məğlubiyyətdən qurtulmaq üçün bir neçə qol imkanı əldə etsə də, bunlardan yararlana bilməyib.

Beləliklə, təmsilçimiz AL-in qrupunda mübarizəyə minimal hesablı məğlubiyyətlə başlayıb - 1:2. 

G qrupunun digər oyununda "Nant" Fransada Yunanıstan "Olimpiakos"una 2:1 hesabıyla qalib gəlib.

UEFA Avropa Liqası

G qrupu, I tur

8 sentyabr

Qollar: Vinçentso Qrifo, 7-pen., Ritsu Doan, 15 - Marko Veşoviç, 39