APA-nın Tbilisi müxbiri xəbər verir ki, bunu Gürcüstanın Baş naziri İrakli Qaribaşvili ölkə parlamentində keçirilən dinləmədə deyib. O, bildirib ki, keçmiş Prezidentin ölkəyə qayıtmasında məqsəd Gürcüstanda müharibəyə zəmin hazırlamaq olsa da, plan iflasa uğrayıb, Gürcüstanın daxili və xarici düşmənləri məğlub olublar.

İrakli Qaribaşvili əlavə edib ki, Mixeil Saakaşvili planlarının həyata keçirilməsi məqsədilə Rusiya-Ukrayna müharibəsi ərəfəsində ölkəyə gəlib və onun niyyətlərini Ukrayna rəsmilərinin bəyanatları da sübut edir.