Nazirlikdən verilən xəbərə görə, “112” qaynar telefon xəttinə, Bakı şəhərinin Qaradağ rayonu, Lökbatan qəsəbəsində yerləşən Sədərək Ticarət Mərkəzində yanğın olması barədə məlumat daxil olub.

Dərhal Nazirliyin Dövlət Yanğından Mühafizə Xidmətinin, Mülki Müdafiə Qoşunlarının, Xüsusi Riskli Xilasetmə Xidmətinin müvafiq qüvvələri və Aviasiya Dəstəsinin 2 helikopteri hadisə yerinə cəlb olunub. İlkin məlumata əsasən, yanğın ayaqqabı satışı mağazalarında baş verib. Yanğın 600-700 kvadratmetr sahəni əhatə edib.

Yanğın saat 08:57-də məhdudlaşdırılıb, saat 09:05-də söndürülüb.

Hazırda yanğın yerində soyutma və kiçik konstruktiv materialların söndürülməsi işləri davam etdirilir.

Əlavə məlumat veriləcək.

***

FHN-nin açıqlamasına görə, yanğın söndürülüb.

Hadisə yerində olan nazir müavini Etibar Mirzəyev yanğınla bağlı araşdırma aparıldığını deyib.

***

“Sədərək” Ticarət Mərkəzində güclü yanğın başlayıb.

AzFakt.com xəbər verir ki, bu barədə Fövqəladə Hallar Nazirliyi açıqlama yayıb.

Bildirilib ki, FHN-in “112” qaynar telefon xəttinə, Bakı şəhərinin Qaradağ rayonu, Lökbatan qəsəbəsində yerləşən Sədərək Ticarət Mərkəzində yanğın olması barədə məlumat daxil olub.

Nazirliyin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub. Hazırda yanğının söndürülməsi üzrə işlər davam etdirilir.

Məlumata görə, “Sədərək” Ticarət Mərkəzində 1000 kvadratmetrdən çox ərazidəki mağazalar yanıb.

Hazırda  yanğınsöndürmə işləri davam etdirilir.

Hadisə yerinə helikopter də cəlb olunub.