Yeniavaz.com xəbər verir ki, bu barədə “Financial Times” məlumat yayıb.

Bildirilir ki, Serbiya Prezidenti Aleksandr Vuçiç rəqəmi “ümumi dəqiq” adlandırıb. Eyni zamanda, o qeyd edib ki, sursat ixracı ölkənin iqtisadi dirçəlişinin bir hissəsidir. Onun sözlərinə görə, Serbiya hakimiyyətinin tədarük edilən sursatların sonra hara getməsi ilə heç bir əlaqəsi yoxdur:

“Bəli, biz sursatlarımızı ixrac edirik. Biz onları nə Ukraynaya, nə də Rusiyaya ixrac edə bilmirik. Amma amerikalılarla, ispanlarla, çexlərlə və başqaları ilə çoxlu müqavilələrimiz olub. Nəticə etibarı ilə bu onların öz işidir”.

Vuçiç qeyd edib ki, o, sursatın harada olduğunu bilsə belə, bu, onun işi deyil:

“Mənim işim sursatlarımızı qanuni şəkildə idarə etməyimizi, onu satmağımızı təmin etməkdir. Mən xalqımın qayğısına qalmalıyam, bu qədər. Bütün bunları deyə bilərəm. Kiyevdə və Moskvada dostlarımız var. Bunlar bizim slavyan qardaşlarımızdır”.