AzFakt.com xəbər verir ki, bu barədə məlumat “Forbes” nəşrinin ənənəvil illik hesabatında yer alıb.

Bildirilir ki, ötən il “Mançester Yunayted” klubundan ayrıldıqdan sonra Səudiyyə Ərəbistanı klubu ilə 2025-ci ilə qədər müqavilə bağlayan Ronaldonun illik qazancı 136 milyon dollar olub.

PSJ-nin hücumçusu 35 yaşlı Messi 130 milyon dollar qazanaraq siyahının növbəti pilləsində qərarlaşıb. Messinin klub yoldaşı və Fransa yığmasının kapitanı 24 yaşlı Mbappe isə üçüncü yeri tutmaq üçün 120 milyon dollar qazanıb.

İlk beşliyi ABŞ-ın “Los-Anceles Leykers” basketbol klubunun oyunçusu LeBron Ceyms (119,5 milyon dollar) və meksikalı boksçu Kanelo Alvares (110 milyon dollar) tamamlayıb.

Ötən il iki qolfçusu ilk 10-a daxil olub. Məşhur qolf oyunçuları Dastin Conson 107 milyon dollarla altıncı, Fil Mikelson isə 106 milyon dollarla yeddinci sırda qərarlaşıb.

Dördqat NBA çempionu Stefen Karri (100,4 milyon dollar) və “Phoenix Suns” klununun oyunçusu Kevin Durant (89,1 milyon dollar) siyahıdakı digər iki basketbolçudur.

Keçmiş tennisçi Rocer Federer (95,1 milyon dollar) ilk 10-luqdakı yeganə “təqaüdçüdür”.