AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Deputat Aqiyə Naxçıvanlı 400 min rüşvət alıb? - Sabiq direktor məhkəmədə şok iddialarla çıxış edib


Tarix 13.03.22, 8:24	Font ölçüsü : - / +

Azərbaycan Respublikası Auditorlar Palatasının Gəncə şəhər Auditor təşkilatının sabiq direktoru Natiq Məmmədov 10 il həbs cəzası alıb. Üç ayrı cinayət törətməkdə ittiham olunan Natiq Məmmədov bu əməlləri 2012-2014-cü illərdə edib. Maraqlıdır ki, N.Məmmədov 2020-ci ildə həbs olunub.

Musavat.com xəbər verir ki, onun cinayət işində bir çox maraqlı məqamlar üzə çıxıb.

Natiq Məmmədov 2012-ci ildə Müəllimlər İnstitutunun Qazax filialının maliyyə-təsərrüfat fəaliyyətinin yoxlanılması zamanı həmin filialın sabiq direktoru İsa Veysovdan 400 min manat məbləğdə pul alıb.

Bundan başqa, Natiq Məmmədov 2014-cü ilin may ayında saxta sənədlərlə “Finca Azərbaycan”dan 15 min 600 manat kredit götürüb.

Bir nəfərdən isə FHN-ə işə düzəltmək adı ilə 5000 manat alıb. Sonra bu məbləği qaytarıb.

Araşdırmalar zamanı məlum olub ki, Natiq Məmmədov İsa Veysovdan 650 min manat istəyib. Deyib ki, həmin məbləğin 400 mini Müəllimlər İnstitutunun keçmiş rektoru, indiki deputat Aqiyə Naxçıvanlıya verilib.

N.Məmmədov bunu belə izah edib ki, yoxlama məhz Aqiyə Naxçıvanlının məktubu ilə başlayıb. İstintaq zamanı həmin məktub da sübut kimi qiymətləndirilib.

Görüş zamanı N.Məmmədov İsa Veysova deyib ki, sifarişlə onu məhv etmək üçün göndərilib. Əgər dediklərini etsə, canını qurtara biləcək. İsa Veysov daha əvvəl yoxlama olduğunu, nöqsan aşkar edilmədiyini desə də N.Məmmədov onu inandırıb ki, əvvəlki yoxlamaların nəticəsi heç nəyi dəyişmir.

İsa Veysovdan telefonunu söndürməsini istəyən Natiq Məmmədov kağıza 650 min rəqəmini yazaraq ona uzadıb. İsa Veysov sifarişin yuxarıdan gəldiyinə inanaraq onunla razılaşıb. 400 mini verəndən sonra Natiq Məmmədov audit yoxlamalarının nəticələrini açıqlamayıb. Amma 250 mini də tələb etməkdə davam edib. İsa Veysova deyib ki, 400 mini Aqiyə Naxçıvanlıya verib, amma özünə heç nə çatmayıb.

Həmin ərəfədə Natiq Məmmədov İsa Veysova söz verib ki, bu pullar ödənsə, Aqiyə Naxçıvanlı onu yenidən direktor qoya bilər. Amma N.Məmmədov onu aldadıb.

İsa Veysov 2013-cü ildə Natiq Məmmədovun əməllərindən şikayət edib. Bundan sonra İsa Veysovun özünə də cinayət işi açılıb. Filialdakı qanunsuzluqlar üzə çıxarılıb. Yoxlamalar davam edən ərəfədə İsa Veysovun səhhəti ağırlaşıb, insult keçirib.

Nə istintaq zamanı, nə də məhkəmə zamanı bu cinayətin niyə məhz 10 il sonra üzə çıxması məlum olmayıb. Aqiyə Naxçıvanlı isə yarım milyona yaxın rüşvət ittihamında adı çəkilsə də nə istintaq orqanında, nə də məhkəmədə dindirilib.

Xəbərin oxunma sayı : 1507