AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Eldar Mahmudovun qızı atasını niyə şah obrazında təsəvvür edirdi: İspaniyalı rəssamın danışdıqları


Tarix 02.06.20, 20:29	Font ölçüsü : - / +

Xəbər verdiyimiz kimi beynəlxalq araşdırmaçı jurnalistlər qrupu Eldar Mahmudovun övladlarının Böyük Britaniya, Lüksemburq, İspaniya və Litvada 110 milyon dollara yaxın dəyərində mülklərini, obyektlərini və digər aktivlərini aşkar edib.

Beynəlxalq araşdırmaçı jurnalistlər qrupunun araşdırmasında keçmiş milli təhlükəsizlik nazirinin qızı Xuraman Mahmudova ilə bağlı maraqlı epizod yer alır. Bildirilir ki, 2013-cü ildə Xuraman Mahmudova Mayorkada yaşayan rəssam qadından müəllifi olduğu uşaq nağılları kitabına illüstrasiyalar çəkməyi xahiş edir.

İspaniyalı rəssam jurnalistlərə danışarkən anonimliyinin qorunmasını xahiş edib. Bildirib ki, həmin xahişə müsbət cavab verib. Deyib ki, yeni müştərisi-Eldar Mahmudovun böyük qızı haqda o vaxta qədər eşitməmişdi, amma Azərbaycana getmək və nağılların müəllifi barədə daha yaxından öyrənmək təklifini qəbul edib. Müəllif istəyirdi ki, rəssam-illüstrator Mahmudov qardaş və bacılarının obrazında hazırda böyümüş olan üç uşağın fantastik əhvalatlarını təsvir etsin.

Bakıda illüstratoru hər gün görməli yerlərə və muzeylərə aparıblar, rəssam daim mühafzəçilərin əhatəsində olan Xuramanla gəzib dolaşıb. O, Xuramanın uşaqlıqda yay tətilini keçirdiyi babasının və nənəsinin evinə baş çəkib. İllüstrator öz personajları barədə informasiyaları və fotoları cəmləyərək Mayorkaya dönüb. Növbəti il o, Xuramanla adada görüşüb. Deyir ki, Mahmudovlar ailəsi hər il hökmən öz tətillərinin bir hissəsini Mayorkada keçirirdi.

Kitabın təqdimatı 2015-ci ilin martında xarici diplomatların da iştirakı ilə teatr tamaşası kimi keçirilib. Bunun ardınca mərmər döşəməli zalda banket olub, orada Eldar Mahmudov çıxış edib, nüfuzlu Azərbaycan məmurları və onların qlamur xanımlarından ibarət qonaqlara kitabı tərifləyib.

Bütün bunlardan sonra rəssam öz əməyinin qarşılığında, aylarla işləyərək kitaba hər illüstrasiyanı çəkməsinin əvəzində çox aşağı qonorar alanda sarsılır. Xuraman ona deyir ki, pulu öz cibindən verir və daha artıq ödəməyə imkanı çatmır. Ötən il, yəni 2019-cu ildə Xuraman rəssamla yenidən əlaqə saxlayıb və növbəti kitabına illüstrasiyalar çəkməyi xahiş edib. Amma rəssam daha onunla işləmək istəməyib.

Araşdırmada rəssamın Eldar Mahmudovun qızının nağıllar kitabına çəkdiyi illüstrasiyalardan biri təqdim olunur. Burada üç azyaşlı uşaq –iki qız və bir oğlan taxtda əyləşmiş zəhmli orta əsrlər hökmdarının və onun başında tac olan xanımının qarşısında dayanıb.

Yəni rəssama verilən sifarişdən çıxış etsək həmin uşaqlar Eldar Mahmudovun qızları və oğludur, taxtda əyləşənlər isə onların hökmdar obrazına təsəvvür etdikləri atası və anasıdır.

Virtualaz.org qeyd edir ki, gənc yazar kimi təqdim olunan Xuraman Mahmudovanın “Sehrli Səyahət” adlı nağıllar kitabının təqdimat mərasimi onun atasının “taxt-tacdan aşırılmasından” cəmi bir neçə ay əvvəl-2015-ci il martın 13-də İçərişəhərdə yerləşən "Muğam-klub"da keçirilib. Mərasimdə dövlət və ictimaiyyət xadimləri, diplomatik korpusun nümayəndələri, müəllifin ailə üzvləri, qohumları və dostları iştirak ediblər.

Orada deyilib ki, Xuraman Mahmudovanın uşaq ədəbiyyatında yeni söz olan "Sehrli Səyahət" kitabı planlaşdırılan böyük layihənin bir hissəsidir. Müəllif deyir ki, bu kitab Qarabağ münaqişəsi nəticəsində didərgin düşmüş uşaqların istifadəsinə veriləcək böyük kitabxananın yaranmasının başlanğıcıdır. Bu kitabxanada məşhur əsərlərlə yanaşı, müasir Azərbaycan uşaq ədəbiyyatının nümunələri də olacaq. "Sehrli Səyahət" İçərişəhəri uşaqlığa xas xəyallar dünyası ilə reallıq arasında körpü kimi təsvir edən nağıldır.

X.Mahmudova 1988-ci ildə anadan olub, İsveçrədə biznes və maliyyə təhsili alıb. Hobbi kimi yazıçılıqla məşğul olur.

Xəbərin oxunma sayı : 655