AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Rusiyadakı biznesi təhlükə altında olan sabiq məmurlar kimlərdir? - SİYAHI


Tarix 14.07.25, 15:34	Font ölçüsü : - / +

Məlum olduğu kimi, son günlər Rusiyada azərbaycanlı sahibkarlara qarşı müxtəlif təzyiqlər edilir.

Yeniavaz.com xəbər verir ki, azərbaycanlı sahibkarlara vergidən yayınma maddəsi ilə açılan cinayət işlərinin sayı artır.

Həmçinin bəzi sahibkarlar qanunsuz sahibkarlıq fəaliyyəti ilə məşğul olduğu əsas gətirilərək həbs edilirlər.

Məlumat üçün bildirək ki, Rusiyada sahibkarlıq fəaliyyəti olan çoxsaylı azərbaycanlılar arasında sabiq məmurlar və onların ailə üzvləri də var.

Rusiyada sahibkarlıq fəaliyyəti ilə məşğul olanlar arasında sabiq mədəniyyət naziri Əbülfəs Qarayev də var. Əbülfəs Qarayev 2023-cü ildə Rusiyada “Korporaçiya ÇE” (ООО “Корпорация ЧE” – VÖEN - 7725322819) adlı şirkətin 50%-lik payını satın alaraq 2 təsisçidən biri olub. Şirkətin fəaliyyət sahəsinə balıq, xərçəngkimilər və molyusklar da daxil olmaqla digər ərzaq məhsullarının topdan satışı daxildir.

Rusiyada daşınmaz əmlakın alqı-satıqısı ilə məşğul olan “QALS” şirkəti (VÖEN-7705544330) isə Əbülfəs Qarayevin qızı Suad Malekiyə (Qarayeva) məxsusdur. Suad Malekinin yeganə təsisçi olduğu “QALS” şirkəti 5 iyul 2013-cü ildə Moskva şəhəri, Tatarskaya küçəsi 7 ünvanında dövlət qeydiyyatına alınıb. Mətbuatda yayılan məlumatda bidirilir ki, “QALS” sabiq nazirin özünün və ailə üzvlərinin adının baş hərflərindən (Qarayev, Abülfəz, Lalə (həyat yoldaşı) və Suad (qızı)) ibarətdir.

Rusiyada şirkət sahibi olan azərbaycanlılardan biri də keçmiş əmək və əhalinin sosial müdafiəsi naziri Əli Nağıyevin oğlu Araz Nağıbəylidir. Arzu Nağıbəyli Rusiya paytaxtında daşınmaz əmlak biznesi ilə məşğul olan “Naxçıvan İnvest” (VÖEN - 7704448970) şirkətinin 50%-lik payla 2 təsisçisindən biridir. “Naxçıvan İnvest” 13 dekabr 2017-ci ildə Moskva şəhəri, Akademik Pilyuqin, 8A ünvanında hüquqi qeydiyyata alınıb.

Şimal qonşumuzun ərazisində biznes sahibi olanlardan biri də Milli Məclisin sabiq sədri Oqtay Əsədovun həyat yoldaşı Zemfira Əsədovadır. Hüquqi ünvanı Moskva şəhəri, Bakı küçəsi, ev 29-da yerləşən “Arizarum Qrup” (VÖEN - 7705176856) restoran sektorunda fəaliyyət göstərir. Yeganə təsisçisi Zemfira Əsədova olan “Arizarum Qrup” 14 yanvar 1998-ci ildən fəaliyyət göstərir.

Rusiyada sahibkarlıq fəaliyyəti ilə məşğul olanlar arasında Gəncə şəhər İcra Hakimiyyətinin sabiq başçısı Elmar Vəliyev və Azərbaycanın sabiq hərbi prokuroru Xanlar Vəliyevin qardaşı Şahmar Vəliyev də var.

Vəliyevin Rusiyanın Yesentuki şəhərində təsis etdiyi “Rusel” (VÖEN – 2626046037) və “Rusel Park” (VÖEN – 2628060982) şirkətləri yaşayış və qeyri-yaşayış binalarının tikintisi ilə məşğul olur. Şahmar Vəliyev 2017-ci ildə keçirilən Rusiya-Azərbaycan regionlararası forumu çərçivəsində Kislovodsk şəhərində “Rusel” sanatoriyasının tikintisi ilə bağlı müqavilə imzalayıb. Rusiya mətbuatının yazdığına görə, “Rusel” sanatoriyasının tikintisinə 2018-ci ildə başlanılıb və 2021-ci ildə başa çatdırılıb.

Rusiyada 79 saylı İmişli seçki dairəsindən deputat seçilniş, sabiq millət vəkili Əsabil Qasımovun yaxın adamlarına məxsus çoxsaylı şirkətlər də fəaliyyət göstərir. 2014-cü ildə Podolsk şəhərində qeydiyyata alınan “Podolskiy Mukomolnıy Zavod” (VÖEN – 5036134335) adlı şirkətin yeganə təsisçisi Qasımova Şamama Alış qızı, 2018-ci ildə Stavrapol diyarında təsis edilən “Sanatoriy İstoçnik Jeleznovodsk” (VÖEN – 2626046830) şirkətinin təsisçiləri isə Əsabil Qasımov ilə Şamama Qasımovadır. Bunlardan başqa Əsabil Qasımov Yesentuki şəhərində yerləşən “Sanatoriy Voronej” (VÖEN – 2626043540) şirkətinin də təsisçisidir. Moskva şəhərində qeydiyyatda olan “Biznes-Çentr Bernikov” (VÖEN – 9709064096) şirkətinin təsisçisi isə Qasımov Taleh Əsabil oğludur.

Xəbərin oxunma sayı : 622