Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI Xatirə qırmızıya büründü - Fotolar
Axtar
 
  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

  • / Maqazin / — 17 Fevral 2024

    “Həbsxanada yataram, üzr istəmərəm” - VİDEO

Müxalifət iqtidarla gizli anlaşmaya can atır - Parlament seçkiləri ilə bağlı

Tarix 18.06.19, 10:46

Font ölçüsü : - / +
bitmap-img6


Azərbaycanın müxalifətinin bir qismi indidən hakimiyyətlə danışıqlara gedib, qarşıdan gələn parlament seçkilərində azı 20 deputat mandatı almaq istəyirlər.

AzFakt.com xəbər verir ki, hazırda bu məqsədlə sabiq baş nazir Pənah Hüseynin liderliyi ilə Milli Məclisdəki 125 deputat yerinin 150-dək artırılması istiqamətində ciddi təbliğat aparılır.

"Diqqət edirsinizsə, son iki ayda deputatların sayının 125-dən 150-yə kimi artırılması istiqamətində güclü təbliğat aparılır. Fikir versəniz, görərsiniz ki, bu təbliğat əsasən Pənah Hüseynin yaxın dostu olan Rauf Arifoğlunun media resurslarında - "Yeni Müsavat" və ona bağlı saytlarda gedir. Təbii ki, bəzi saytlar da "təkər"ə düşüb, bu təbliğatın iştirakçısına çevriliblər. Sözüm odur ki, son həftələr ayrı-ayrı ekspertlər, deputatlar da bu mövzuya cəlb edilərək, tədricən cəmiyyəti və iqtidarı buna inandırmağa çalışırlar".

Məlumata görə, bu təbliğatın arxa planında, əslində, iqtidarla parlament seçkiləri ilə bağlı gizli anlaşma niyyəti gizlənib: 

"Pənah Hüseyn bu niyyəti gizlətmir də. Onun çox açıq şəkildə dar məclislərdə "Biz iqtidarla danışıqlara gedib, yer almalıyıq. Hətta iqtidarın işini asanlaşdırmaq üçün deputatların sayının 125-dən 150-dək artırılmasını da təmin etməliyik. Bilirsiniz ki, 1995-ci ilin noyabrın 12-də konstitusiya qəbul olunan zaman  Azərbaycanın əhalisi 7 milyon idi. İndi bu, 10 milyona yaxındır. O üzdən qanunauyğun olaraq, parlamentdə deputat yerlərinin sayı da artırılmalıdır. Belə də iqtidar real müxalifətə asanlıqla 20 yer güzəştə gedə bilər", - dediyi də artıq siyasi kluarlarda müzakirə edilir. 

Bundan əlavə, Pənah Hüseynin son açıqlamalarında da bununla bağlı hakimiyyətə dolayı və açıq mesajlar verilib".

Məsələ ilə bağlı Mia.az-ı məlumatlandıran Pənah Hüseynin dostlarından biri deyib ki, sabiq baş nazir real müxalifət deyəndə, hazırda parlamentdə təmsil olunan partiya liderlərini nəzərdə tutmur: 

"Doğrudur, Pənah Hüseyn 20 yeri kimlər üçün arzuladığı barədə indidən danışmaqda o qədər də həvəsli deyil. 

Lakin sirr deyil ki, Pənah Hüseyn həmin 20 nəfərin içində özünü, Arif Hacılını, Tural Abbaslını, İsa Qəmbəri, Etibar Məmmədovu, Lalə Şövkəti, Rüstəm İbrahimbəyovu, Eldar Namazovu. Milli Şuranın sədri Cəmil Həsənlini, İlqar Məmmədovu və nə qədər qəribə görünsə də, Rauf Arifoğlunu da görmək istəyir. 

Lakin onun planında AXCP sədri Əli Kərimli,  sabiq spiker Rəsul Quliyev, o cümlədən ADP sədri Sərdar Cəlaloğlunun adları birmənalı yoxdur".

Məlumata görə, Pənah bəy çox açıq şəkildə deyir ki, iqtidarın apardığı islahatların həm cəmiyyətdə, həm də beynəlxalq təşkilatlarda təminatçısı məhz onlar, yəni nəzərdə tutduğu şəxslərin mandat alması ola bilər: 

"Yəni onların parlamentə düşməsi həm beynəlxalq təşkilatlara, həm daxilə ölkədə real siyasi islahatların həyata keçirildiyi kimi təqdim olunur. Digər yandan da, dağınıq müxalif qüvvələr parlamentin işində aktiv iştirak etməklə, ölkədə demokratik ab-hava görüntüsünü gücləndirə bilərlər".

Xatırladaq ki, ölkədə parlament seçkiləri 2020-ci ilin noyabr ayında keçiriləcək.

Mia.az



Xəbərin oxunma sayı : 379




Siyasət

Xəbərlər

ARXİV
Əlaqə | Haqqımızda  
Buy website traffic cheap