AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Məşhur kolbasa şirkətinin “HALAL” sertifikatı ləgv edilib - Qarşılıqlı İTTİHAMLAR


Tarix 30.09.19, 14:18	Font ölçüsü : - / +

Məşhur kolbasa şirkətinin “HALAL” sertifikatı ləgv edilib — Qarşılıqlı İTTİHAMLAR

“AzeSERT HALAL” “Halal” Məhsulların Sertifikatlaşdırılması Orqanı halal qida istifadəçilərinin nəzərinə çatdırır ki, “Payım” kolbasa və sosiskaları “Halal” deyil.

“Payım” kolbasa və sosiskalarının istehsalçısı “Al-Sana” MMC tərəfindən AZS 731-1-2015 saylı HALAL QİDA Dövlət Standartının 5.2., 5.3.b), 5.9. və 5.11. maddələrinin kobud şəkildə pozulduğu aşkar edilib.

“AzeSERT HALAL” “Halal” Məhsulların Sertifikatlaşdırılması Orqanından “Marja”ya bildirilib ki, şirkətin istehsal etdiyi “Payım” Əmtəə Nişanlı kolbasa və sosiskaların HALAL QİDA Standartına uyğun olmadığı üçün həmin məhsullara verilmiş AZ031.14.01.07848.17, AZ031.14.01.07849.17, AZ031.14.01.078450.17, AZ031.14.01.07851.17 saylı, 28 dekabr 2017-ci il tarixli “Uyğunluq Sertifikat”-ları ləğv edilmişdir.

“HALAL” Əmtəə Nişanından “Al-Sana” MMC tərəfindən istehsal olunan “Payım” Əmtəə Nişanlı kolbasa və sosiskaların üzərində və digər reklam xarakterli məlumatlarda istifadəsi qadağan edilmişdir.

Məlumat üçün bildirək ki, HALAL QİDA Dövlət Standartının 5.2., 5.3.b), 5.9. və 5.11. maddələri müvafiq olaraq kəsim qaydaları, qoruyucu qida əlavələri, qida gücləndiriciləri və qida qatqı maddələri üzrə tələbləri müəyyən edir.

“AL-SANA” MMC-DƏN AÇIQLAMA:

“Al-Sana” MMC-nin hüquqşunası Kamran Əfəndiyev məsələ ilə bağlı “Marja”ya bildirdi ki, “Al-Sana” MMC 2 saylı Bakı İnzibati-İqtisad Məhkəməsinə “AzeSERT HALAL” MMC-nin tərtib etdiyi aktın və qərarın ləğv edilməsi üçün ərizə ilə müraciət edib: “Ərizəmiz əsaslı olduğundan Məhkəmənin 19 Sentyabr 2019-cu il tarixli qərarı ilə təmin edilib. Yəni, 2 saylı Bakı İnzibati-İqtisad Məhkəməsinin qərarı ilə “AzeSERT HALAL” MMC-nin “Uyğunluq Sertifikat”-larının ləğv edilməsi və “HALAL” Əmtəə Nişanından istifadənin qadağası barədə qərarının icrası dayandırılıb. Proses yekunlaşanadək sertifikatlar qüvvədədir. Məndə olan məlumata görə, qarşı tərəf məhkəməyə şikayət verməyib”.

“Beynəlxalq “halal” sertifikatı almağı nəzərdə tuturuq”

Image result for AzeSERT HALAL

Kamran Əfəndiyev bildirdi ki, “Al-Sana” MMC bu ilin Dekabr ayından sertifikatlaşdırma orqanı olan “AzeSERT HALAL” MMC ilə əməkdaşlığı dayandırmağa qərar verib. Bu qərardan sonra “AzeSERT HALAL”ın şirkətə qarşı münasibəti pisləşib, ilk öncə akt tərtib edilib, sonra qərar qəbul edilib:

““Uyğunluq Sertifikat”-larının ləğv edilməsinə əsas olaraq qida əlavələrini və ədviyyatları aldığımız şirkətlərin “Halal” sertifikatlarının olmaması göstərilib.

“AzeSERT HALAL” bizdən tələb edir ki, aktda adları göstərilən şirkətlər ilə işləməyək. Əslində bu şirkətlərin çoxu “Halal” sertifikatlara sahibdirlər və biz məhkəmədə də təqdim etmişdik. Bir sıra qida əlavələri və ədviyyat istehsalçılarının isə “Halal” sertifikatı almasına ehtiyac yoxdur və ya onların sertifikatlaşdırılması üçün da standard və mexanizm də mövcud deyil.

“AzeSERT HALAL” 2017-ci ilin Dekabr ayında sertifikatları bizə təqdim edən zaman da bu faktları bilirdi. Nə üçün həmin vaxt qida əlavələri və ədviyyat təchizatçılarının “Halal” sertifikatları tələb edilmədi və bizə “Halal” sertifikatı verildi?!. “Al-Sana” MMC Dekabr ayında müddəti başa çatan sertifikatların yenilənməsini “AzeSERT HALAL” MMC vasitəsilə həyata keçirmək istəmir, ehtimal ki, onlar müştərini itirməmək üçün bizə bu cür təzyiqlər edirlər. Həmçinin “AzeSERT HALAL” bizim təchizatçıların onlardan sertifikat almaları məqsədini güdür. Bizim vasitəmizlə onlara da təzyiq edilir, belə ki, “Biz təchizatçılardan sertifikat tələb edək, onlar da mallarını satmaq üçün məcbur olaraq “AzeSERT HALAL” sertifikat əldə etsinlər”. Biz Dekabr ayında sertifikatları “Azsert Halal”də yeniləməyəcəyik, beynəlxalq “halal” sertifikatı almağı nəzərdə tuturuq”.

“ƏT VƏ DİGƏR XAMMALLAR “HALAL” OLMAYAN MƏNBƏLƏRDƏN ALINIR”

“AzeSERT HALAL” MMC-nin direktoru Elşad Əliyev “Marja”ya açıqlamasında bildirdi ki, qaydalara uyğun olaraq “Al-Sana” MMC-də dövrü inspeksiya tədbiri nəzarəti aparılıb:

“İnspeksiya nəzarəti tədbiri zamanı auditorlarımız “Al-Sana” MMC-nin təchizatçılarını dəyişdiyini aşkar etdilər.

Belə ki, ət, qida əlavələri, ədviyyatlar və qablaşdırma materialları halal qaynaqlardan alınmalı olduğu halda, müxtəlif fiziki şəxslərdən əldə edilir. Məsələn, həm mal, həm də toyuq əti rayonlardakı ayrı ayrı fiziki şəxslərdən alınır. Həmin fiziki şəxslər halal qaynaqlar hesab edilmir. 2017-ci ildə tərəfimizdən sertifikat təqdim edilən zaman “Al-Sana” MMC xammal və materialları halal qaynaq kimi qəbul edilən müəssisələrdən alırdı. Bu il dövri inspeksiya nəzarətilə təchizatçıların dəyişdirildiyini aşkar etmişik. Standartın tələbləri pozulduğundan ilk öncə 26 Avqust 2019-cu il tarixli qərarmız ilə “Halal” sertifikatların qüvvəsi dayandırılıb. Həmçinin tərəfimizdən nöqsanların aradan qaldırılması üçün “Al-Sana” MMC-yə yazılı göstəriş verilmişdir. “Al-Sana” MMC yazılı göstəriş və tövsiyyələrimizə məhəl qoymadığından 27 Sentyabr 2019-cu il tarixində “Uyğunluq Sertifikat”larının ləğv edilməsi və “HALAL” Əmtəə Nişanından istifadənin qadağası barədə qərar qəbul etmişik. Nazirlər Kabinetinin qaydalarına uyğun olaraq bu barədə ictimaiyyəti məlumatlandırırıq”.

Elşad Əliyev Əlavə etdi ki, 2 Saylı Bakı İnzibati-İqtisad məhkəməsi 26 Avqust 2019-cu il tarixli sertifikatların qüvvəsinin dayandırılması barədə qərarımızın icrasının dayandırılması barədə qərardad çıxarıb:

“Uyğunluq Sertifikat”-larının ləğv edilməsi və “HALAL” Əmtəə Nişanından istifadənin qadağan edilməsi barədə qərarımız barədə “Al-Sana” MMC tərəfindən məhkəməyə şikayət olunmayıb”.

Xəbərin oxunma sayı : 1072