AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Dənizçi pasportu almaq istəyən 181 nəfəri belə aldadıblar - DƏLƏDUZLUQ İŞİ


Tarix 11.07.25, 16:18	Font ölçüsü : - / +

181 nəfəri sertifikat və işə düzəltmək adı ilə aldadaraq 52 min manatdan artıq pul vəsaitini ələ keçirən Toğrul Kərimovun məhkəmə istintaqı başa çatıb.

Musavat.com xəbər verir ki, Bakı Ağır Cinayətlər Məhkəməsində hakim Vüqar Quliyevin sədrliyi ilə Kərimov Toğrul Məmmədrəhim oğlunun cinayət işi üzrə keçirilən məhkəmə iclasında məhkəmə istintaqı yekunlaşıb.

Dövlət ittihamçısı çıxış edərək təqsirləndirilən şəxsə Cinayət Məcəlləsinin 178.3.2-ci maddəsi (külli miqdarda dələduzluq etmə) ilə irəli sürülmüş ittiham üzrə 8 il 6 ay müddətinə azadlıqdan məhrumetmə cəzasının verilməsini təklif edib.

Zərərçəkmiş şəxslər ifadələrində təqsirləndirilən şəxsin onlara vurduğu maddi ziyanın indiyədək ödənilmədiyini bildirərək, ona qanunvericiliyə uyğun olaraq mümkün olan ən ağır cəzanın təyin olunmasını istəyiblər.

Müdafiə tərəfi isə çıxışında Kərimovun ailə vəziyyətinə diqqət çəkərək, onun 4 azyaşlı övladının olduğunu qeyd edib və bu amilin nəzərə alınaraq cəzanın yüngülləşdirilməsini xahiş edib.

Təqsirləndirilən şəxs isə son söz üçün əlavə vaxt verilməsini istəyib, lakin bu istək zərərçəkmişlərin narazılığına səbəb olub.

Məhkəmə növbəti iclasın və hökmün elan olunması üçün prosesi 2025-ci il iyulun 18-nə kimi təxirə salıb.

İttiham aktına əsasən, 1986-cı il təvəllüdlü, əvvəllər məhkum olunmuş Toğrul Kərimov Nərimanov Rayon Polis İdarəsinin 18-ci Polis Şöbəsinin əməkdaşları tərəfindən saxlanılıb. O, sosial şəbəkələrdə özünü Türkiyənin tanınmış dənizçilik şirkətlərindən birinin Bakı nümayəndəsi kimi təqdim edərək, vətəndaşlara həmin şirkətə işə düzəlmək və sertifikat almaq imkanları vəd edib və bu vədlərlə onların pul vəsaitlərini ələ keçirib.

Cinayət işi üzrə materiallara əsasən, Kərimov 2022–2023-cü illər ərzində 181 vətəndaşdan ümumilikdə 52,725 manat məbləğində vəsaiti dələduzluq yolu ilə mənimsəyib. O, vətəndaşlardan hər birindən 300–700 manat aralığında pul alaraq, onları “Arif Kalkavan - AKO” MMC-yə işə düzəldəcəyi və dənizçilik pasportu verəcəyi ilə aldadıb. Eyni zamanda, o, “Tap.az” platformasında yerləşdirdiyi elanlar və “TikTok” sosial şəbəkəsində paylaşılan saxta reklamlar vasitəsilə vətəndaşları aldatmaqla onlara müxtəlif sahələrdə iş vədi verib, bu üsulla da əlavə vəsaitlər əldə edib.

İş üzrə toplanmış sübutlar zərərçəkmiş və şahid ifadələri, ödəniş qəbzləri, yazışmalar və digər sənədlər təqsirləndirilən şəxsin qeyd olunan əməlləri törətməsini tam sübut edib.

Ona qarşı Cinayət Məcəlləsinin 178.3.2-ci (külli miqdarda dələduzluq) maddəsi ilə ittiham irəli sürülüb.

Xəbərin oxunma sayı : 343