AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Türkiyə Azərbaycana ordu göndərir! - Ərdoğan qətnamə layihəsini parlamentə təqdim etdi + VİDEO


Tarix 16.11.20, 13:56	Font ölçüsü : - / +

Türkiyədə Prezident Administrasiyası prezident Rəcəb Tayyİb Ərdoğanın imzasıyla Azərbaycana hərbi kontingentin göndərilməsi ilə bağlı qətnamə layihəsini Türkiyə Böyük Millət Məclisinə təqdim edib.

Bu barədə məlumatı "Anadolu" agentliyi yayıb.

Bildirilir ki, bu qətnamə layihəsi Türkiyə və Azərbaycan arasında daha öncələr imzalanmış qarşılıqlı hərbi yardımlaşma sazişinə müvafiq olaraq hazırlanıb.

Qeyd edək ki, bu il noyabrın 10-da Rusiya, Azərbaycan və Ermənistan lideri arasında imzalanmış atəşkəs bəyannaməsi ilə Qarabağda hərbi əməliyyatlar dayandırılıb, Rusiya sülhməramlıları bölgəyə gətirilib.

Ancaq Türkiyə dövləti bölgədə sülhməramlıların fəaliyyətinə nəzarət etmək, Qarabağda qalıcı sülhün bərqərar olunmasında, erməni hərbi birləşmələrin bölgədən çəkilməsi prosesində iştirak etmək niyyətindədir.

***

Azərbaycan, Ermənistan və Rusiya rəhbərlərinin Qarabağda hərbi əməliyyatların dayandırılmasına dair noyabrın 10-da əldə etdikləri razılaşmanın yerinə yetirilməsinin monitorinqini aparmaq üçün Türkiyə Azərbaycana hərbi qüvvələr göndərir.

Virtualaz.org xəbər verir ki, bu barədə prezident Rəcəb Tayyib Ərdoğanın imzası ilə müvafiq qətnamə layihəsi Böyük Millət Məclisinə təqdim edilib. Türkiyə hərbi qüvvələri atəşkəsə nəzarət üzrə qurulacaq monitorinq mərkəzində təmsil olunmaq üçün göndərilir.

“Əldə edilmiş razılaşmaya görə, atəşkəsə əməl edilməsinə nəzarət üzrə işğaldan azad edilən Azərbaycan ərazilərində ortaq mərkəz qurulacaq. Azərbaycanın tələbi ilə bu mərkəzdə Rusiya və Türkiyənin ortaq təmsil olunması qərarlaşdırılmışdı”,-layihədə deyilir.

“Azərbaycanın müəyyən edəcəyi yerdə Türkiyə ilə Rusiyanın birlikdə quracağı Ortaq Mərkəz və bu Mərkəzin yerinə yetirəcəyi fəaliyyətlərdə Türkiyə Silahlı Qüvvələri personalının və lazım olarsa ölkəmizdən mülki personalın təmsil edilməsi 2010-cu il avqustun 16-da imzalanan Türkiyə Cümhuriyyəti və Azərbaycan Respublikası arasında strateji müttəfiqlik və qarşılıqlı hərbi yardım anlaşmasına əsaslanır, ölkəmizin üzərinə götürdüyü öhdəliklərə uyğun olaraq Azərbaycanın ərazi bütövlüyünü təmsil edən beynəlxalq hüquq prinsipləri, BMT Təhlükəsizlik Şurasının qətnamələri və ATƏT prinsipləri ilə uyğundur, bölgə xalqlarının hüzur və rifahının yararına olacaq, ayrıca olaraq milli maraqlarımız baxımından da gərəkli olduğu dəyərləndirilməkdədir”,-layihədə daha sonra bildirilir.

Qətnamə layihəsində iki ölkə arasında anlaşmaya işarə edilərək bildirilir ki, Türkiyə tərəfi üzərinə düşən öhdəlikləri yerinə yetirmək, atəşkəsin təmin edilməsi, atəşkəsin pozulması hallarına yol verilməməsi və regionda stabilliyin təmin edilməsi üçün Türk Silahlı Qüvvələri personalını Ortaq Mərkəzdə təmsil olunmağa göndərmək qərarına gəlib. Bu qüvvələr Türkiyə prezidentinin müəyyən edəcəyi şəkildə istifadə olunacaq.

Xatırladaq ki, 10 noyabr razılaşmasına əsasən Rusiya Dağlıq Qarabağa 2 min nəfər yaxın hərbçidən və çoxsaylı hərbi texnikadan ibarət sülhməramlı qüvvələr yeridib. Əldə edilən razılaşmda atəşkəsə nəzarət üzrə Dağlıq Qarabağdan kənarda Rusiya və Türkiyənin birgə monitorinq mərkəzinin qurulması da nəzərdə tutulur.