Fanat.Az "Record"a istinadən xəbər verir ki, karyerası ərzində rəsmi görüşlərdə 857 qol vuran ulduz futbolçu "Portu"nun prezidenti ilə aralarındakı söhbəti də açıqlayıb:

“Portu"nun prezidenti ilə danışdıq. O, mənə bir təklif etdi: karyeramda 1000 qol vurmaq. Hələlik 900-ə çatmaq istəyirəm. Düşünürəm ki, mütləq bacararam. 1000-ə çatmaq isə, əlbəttə, daha çətindir.

Həyatda hər şey olur. İndi bədənim yükü yaxşı qəbul edir, əylənmək üçün oynayıram”. 

Xatırladaq ki, Portuqaliya AÇ-2024-ün seçmə mərhələsi çərçivəsində son matçda Slovakiyanı 3:2 hesabı ilə yenərək turnirin final mərhələsinə vəsiqəni vaxtından əvvəl təmin edib. Ronaldu bu görüşdə dubl edib.