Galyamina Rusiyanın VK sosial media platformasında yazıb ki, Putinin yanvarın 15-də irəli sürdüyü təkliflər “dövlət çevrilişi” kimi qiymətləndirilməlidir. O ictimaiyyəti 2009-cu ilin yanvarında qətlə yetirilmiş liberal vəkil Stanislav Markelovun və“Novaya Gazeta” qəzetinin müxbiri Anastasia Baburovanın xatirəsinə əvvəlcədən planlaşdırılmış ildönümü mərasiminə qatılmağa çağırıb.

Bu arada Moskva meriyası yanvarın 17-də müxalifətin 10 minlik mitinqinə icazə verib. Konstitusiya dəyişikliklərinə qarşı keçiriləcək bu mitinq fevralın 1-də, Saxarov prospektində yer alacaq. Bu mitinqin kim tərəfindən təşkil edildiyi bilinmir.

Müxalifət lideri Aleksey Navalnı “Twitter” postunda yazır ki, Rusiyanın hazırkı Konstitusiyası ikrah hissi doğurur.

Navalnı qeyd edir ki, bu Konstitusiyada hakimiyyətin qəsb edilməsi üçün mexanizm var və onu heç müdafiə etməyə dəyməz: “Bu Konstitusiyanın əsasında onlar seçkilərdən tutmuş pensiyalara qədər hər şeyi bizdən alıblar. Onlar hələ bundan da çoxunu istəyirlər”.

Özünün ənənəvi illik çıxışında Putin bir sıra Konstitusiya dəyişikliləri təklif edib. Müstəqil ekspertlər deyirlər ki, bu dəyişikliklərdən məqsəd Putini 2024-ci ildən sonra da hakimiyyətdə saxlamaqdır.

(azpolitika.info)