AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Türkiyəli ziyalılar “Xocalı üçün danışaq” dedilər – Foto


Tarix 26.02.20, 21:11	Font ölçüsü : - / +

İstanbulda XX əsrin ən böyük faciələrindən biri olan Xocalı Soyqırımının 28-ci ildönümnə həsr olunmuş panel təşkil edilib.

AzFakt.com Yenicag.az-a istinadən xəbər verir ki, İstanbul Universiteti Azərbaycan Mədəniyyət və Həmrəylik Birliyi, “Yeni Çağ” Media Qrupu ilə Azərbaycan-Türkiyə Evinim (ATEV) birgə təşkilatçılığı ilə İstanbul Universitetində “Xocalı üçün danışaq” adlı panel keçirilib.

Tədiri giriş sözü ilə açan Birliyin sədri Anar Can Kıtay günün anlam və mənasından bəhs edib, hər iki ölkədən panelə qatılan aydınlara öz təşəkkürünü bildirib.

Qrupunun baş direktoru Aqil Ələsgərin moderatorluğu ilə davam edən panelə Azərbaycan və Türkiyənin çox sayda nüfuzlu ziyalıları qatılıblar.

Paneldə giriş sözü deyən Aqil Ələsgər 28 il əvvəl Xocalıda azərbaycanlılara qarşı qanlı soyqırımıı törədən ermənilərin yanında olan qüvvələrin bu gün eyni qaydada Türkiyəyə qarşı açılmış cəbhələrdə yer tutduqlarını söyləyib:

“Regionda aktyorların deyil, maşaların dəyişdiyini görürük. Dünən həmin aktyorlar maşa kimi ermənilərdən istifadə edirdilərsə, bu gün həmin maşa funksiyasını terrorçu PKK, İŞİD-dir, Əsəd və başqaları icra etməkdədirlər. Eyni zamanda, dünən Xocalıda soyqırımı törədən ermənilərin yanında olan rus zehniyyəti bu gün İdlibdə türklərə qarşı olan qüvvələrin yanındadır”.

Paneldə çıxış edən ATEV rəhbəri Tənzilə Rüstəmxanlı Türk dünyasının Xocalı Soyqırımına daha həssaslıqla yanaşmasının vacibliyini vurğulayıb:

“Xocalıda ermənillərin 28 il əvvəl törətdikləri soyqırımının hədəfi və qurbanları sadəcə, azərbaycanlılar yox, həm də bütövlükdə Türk dünyasıdır. Türk adlanan hər bir kəs ermənilərin və onları himayə edənlərin hədəfindədir. Bizləri yox etmək, sıradan çıxarmaq üçün gecə-gündüz yeni-yeni planlar hazırlayıb dövrəyə buraxmaqdadırlar. Ona görə də, Xocalı Soyqırımı kimi Türklərə qarşı törədilən bütün planlara münasibətimiz eyni olmalı, o planların gerçəkləşməməsi üçün sinəmizi birlikdə irəli verməlitik. Əks halda, bu, sonuncu faciəmiz olmayacq”.

Tədbirdə söz verilən tanınmış vəkil, Azərbaycan Kərkük Mədəniyyət və Əməkdaşlıq Mərkəzinin (AKMƏM) sədri Məlahət Qurbanova Xocalı Soyqırımının beynəlxalq aləmdə yetərincə tanıdılması üçün səylərin artırılmasına çağırıb:

“Çox təəssüf ki, Türkiyə istisna olmaqla, dünyanın əksər ölkələrində Xocalı Soyqırımı haqqında yetrəli səviyyədə məlumat yoxdur. Doğrudur, son illərdə bu istiqamətdə müüəyyən addımlar atılır. Ancaq bununla kifayətlənmək olmaz. Xocalı Soyqırımını dünyanın gündəminə yerləşdirmək və bu faciəni törədənlərin layiqli cəzalarına çatmasına nail olmaq üçün nə lazımdırsa, etməliyik”.

Xocalı Soyqırımını bəşəriyyətə qarşı törədilmiş cinayət kimi qiymətləndirən professor Nesrin Sarıahmetoğlu diqqəti bu qətliamda əli olan hər kəsin cəzalandırılmasının vacibliyinə yönəldib:

“Bəli, Xocalı Soyqırımı bütün Türk dünyasına, bəşəriyyətə qarşı törədilmiş cinayətdir. Yüzlərlə günahsız insanın qətli, minlərlə insanın yaralanması və yurdlarından didərgin düşməsi ilə nəticələnmiş bu cinayət cəzasız qala bilməz, qalmamalıdır. Xocalı Soyqırımının dünya miqyasında yanıdılmasına çalışmaqla yanaşı, Xocalı qatillərinin də öz layiqli cəzalarını almaları üçün üzərimizə düşən hər şeyi etməliyik”.

Paneldə söz alan gənc alim Aynur Hüseynova çıxışında Xocalı Soyqırımının dünyada tanıdılmasına yönəlik fəaliyyətin genişləndirilməsinə çağırıb:

“Əsrin faciəsi olan Xocalı Soyqırımının dünyada həm faktik, həm də hüquqi baxımdan, tanıdılmasına istiqamətlənmiş fəaliyyətin daha da genişləndirilməsinə ehtiyac var. Artıq dünyanın bir sıra dövlətlərinin parlamentləri Xocalı Soyqırımının tanınması haqda qərar qəbul ediblər. Bu yöndə göstərilən fəaliyyət daha da genişləndirilməli, Xocalı Soyqırımını tanıyan dövlətlərin sayı artırılmalıdır. Bu, diplomatik müstəvidə Azərbaycanın mövqelərinin möhkəmlənməsinə təkan verəcək”.

Panelin sonunda təşkilatçılar gəncləri sosial mediada aktiv olmağa səsləyib və #HocalıyaAdalet, #HocalıiçinPaylaş, #JusticeforKhojaly, #ShareforKhojaly haşteqləri ilə paylaşım edib, rəy yazmağa çağırıblar.

Qeyd edək ki, panel sosial media çalışmaları ilə davam edəcək.