AzFakt.com xəbər verir ki, bu fikirləri əslən Xocalıdan olan tanınmış publisist Səriyyə Müslümqızı bildirib.

“Görəsən, Tural Gəncəliyevin məqsədi nədir? Axı cənab Prezident DQ İcmasında əslən DQ -dan olanların vacibliyini əsas götürüb. Hətta DQ İcmasında işğal olunmayan rayonlardan olanlar da çalışır, ayda 1200 AZN məbacib alır, İcma sədri ilə xaricə səfər edir. Ətək-ətək ayrılan layihələrdə kimlər çalışır və bu pullar hara gedir? Bu layihələrə ayrılan vəsaitlə əslən Dağlıq Qarabağdan olan gənclərimiz ingilis dili kurslarına niyə cəlb olunmur? Tural Cəncəliyevə dəfələrlə müraciət edib əslən DQ-dan olan gənclərimizi kurslara göndərilməsini xahiş etmişəm. Təəssüf ki, icma sədri öz bildiyini edir”, – deyən S.Müslümqızı bildirib ki, “Tural Gəncəliyevin bu özbaşınalığına son qoyulmalıdır! Doğulduğum yurdu – Xocalını ermənilər işğal edib, Dağlıq Qarabağ İcmasını da Tural Gəncəliyev. Tural Gəncəliyev, həyatlarını Qarabağa həsr edənlərin haqqına girmə! Allah heç kimin etdiyini yanında qoymur. “Məni yuxarılar təyin edib”, – deyən İcma sədri, fələyin çərxinin dönən günündən qorxun!”.(konkret.az)