Apasport.az-ın məlumatına görə, bunu “Qarabağ”ın baş məşqçisi Qurban Qurbanov deyib.

51 yaşlı mütəxəssis Misli Premyer Liqasının XXXV turunun “Sumqayıt”la ev oyunundan sonra mətbuat konfransında görüş haqda fikirlərini bildirib:

“Amma futbolda belə hallar, nəticələr olur. Baxımlı oyun olduğunu da, deməzdim. Hava isti idi, motivasiya da tam çatmırdı. Hər bir halda, futbolçular çox əziyyət çəkdilər. Məğlub olanda, oyun da tam alınmayanda, meydanda və oyundan sonra da əziyyət çəkirlər. Mövsümün sonuna yaxınlaşırıq. Futbolçularıma bildirəcək iradım yoxdur. Qarşıdakı oyuna hazırlaşacağıq”.

- Nə ediblər ki? Futbolçularımızı çox istəyirik. Onlar bu günə qədər hamının sevgisini qazanıblar, hamının üzünü ağ ediblər, hamımız onlara güvənirik və təşəkkür edirik. Məğlubiyyətsiz idman növü və məğlubiyyətsiz çempionat yoxdur. Uduzmuşuq. Amma maksimum istəyimizə çatmışıq. Futbolçuları daha da yaxşı səviyyəyə qaldırmaq istəyirik.

- Tam yox. Ümumən bəllidir. Ola bilər ki, 1-2 xırda detalda dəyişiklik olsun. Demək olar ki, hazırlıq planı hazırdır.

- Mən bu cür xəbər oxumamışam. Qarşıma çıxmayıb. Beş milyona futbolçu almaq o demək deyil ki, problemimiz həll olundu və o demək deyil ki, həmin oyunçu gəlib biz istəyəni verəcək. Transferlə bağlı işlər davam edir. Böyük məbləğə olan futbolçuların axtarışı yoxdur.

Qeyd edək ki, “Qarabağ” öz meydanında “Sumqayıt”a 1:2 hesabı ilə uduzub.