AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

“Həcilər də əldən çıxır, kasıblayırlar...“ - Müğənni Sevinc


Tarix 11.04.21, 21:00	Font ölçüsü : - / +

"Pandemiyadır, toy bazarı ölüb, anamın təqaüdü ilə dolanıram. Hər zaman qazanıb özümə bahalı ətir alırdımsa bu dəfə onu almadım. Geyimlərimi bir az azaltdım. Hansı ki, modelyerimə hər ay 3-4 səhnə geyimi tikdirirdim. Şükür Allaha çətin də olsa idarə edirəm"

Bunu Moderator.az-a açıqlamasında müğənni Sevinc Musayeva deyib. Müğənni daha sonra əlavə edib.

"Mən rahat yaşayan müğənniyəm.Tarix hər zaman təkrarlanır. Gözümün qarşısına peyğəmbərlərimizin həyatı gəlir. Görürəm ki, heç bir peyğəmbərimiz varlı yaşamayıb, kasıb yaşayıb, kasıb da dünyalarını dəyişiblər. Amma hər zaman qəlblərində Allah sevgisi olub. Mən fani dünyanın var olduğuna inanıram. Qısaca belə deyərdim ki, vicdanım hələ ölməyib. O gün bir çəkilişdə idik, 7 qonaq var idi, onlardan biri də mən idim. Onların instaqram səhifəsinə baxsanız görərsiniz ki, heç biri şəhidlərimiz, qazilərimiz haqda paylaşım etmirlər. Səhifələrində ancaq özlərini, geyimlərini, mahnılarını reklam edirlər. Həmin verilişdə mənə dedilər ki, sən niyə paylaşırsan? Dedim ki, bu mənim içimdən gəlir. Hətta belə deyim ki, son 3 ayda şəhidlərimiz haqda paylaşdığıma görə izləyicilərim də azalır. Mən buna görə nə əsəbləşirəm, nə də narahat oluram. Həyatda kiməsə görə dəyişməyi sevmirəm, mən yaranışdan belə olmuşam. Bu dinlə bağlı olan bir şey deyil, mən danışanda gedib bir tərəfi dinə çıxır. Dinə qalsa mənim oxumağım günahdır. Amma mən bu mövzuya birtərəfli baxmıram, çoxbucaqlı baxıram. Bu sənəti mənə Allah verib ki, öz problemlərimi həll edim. Mən bir dəfə dedim ki, səhnə ilə namaz mənim üçün eynidir, onu çox insan başa düşmədi. Əgər mən öz zəhmətimlə gedib oxuyuramsa, geyimimi, oturuşumu-duruşumu, hərəkətimi, danışığımı bilirəmsə, heç bir günah iş görmürəmsə və sonra gəlib dəstəmaz alıb namaz qılıramsa demək ki, bu sözü doğrulduram. Amma insanlar var ki, min işlə məşğuldurlar sonra qüsullanıb, dəstəmaz alıb, namaz qılırlar ki, Allah günahlarını bağışlasın" deyə Sevinc deyib.

Müğənni mahnılarının böyük tamaşası sevgisi qazandığını bildirib.

"Bir şeyə görə sevinirəm ki, kütlə tərəfindən hər zaman mahnılarım sevilib, hansı mahnını ifa etmişəmsə möhür vurmuşam. Təəsüflər olsun ki, indi kütlənin zövqü harmoniyası bəsit olan, meyxana tipli mahnılaradır. Mənim öz izləyici kütləm var və indi də mənə deyirlər ki, niyə efirlərə çıxmırsız? Ən çox da səsimi bəyəndiklərini bildirirlər. Bir az da gündəmdən kənarlaşmağım qazancımla bağlıdır. Qazanıb yeni mahnılar yazdırsam, yenə də tez-tez efirlərdə görünəcəm. Pandemiya dövründə çoxlu mahnılar yazmışam, inşallah ki, işləyib qazanaram, onları oranjman edərəm. Çünki biz oranjmana, studiyaya konfet kağızı deyil, pul xərcləyirik" deyə müğənni bildirib.

"Şou-biznes yeni yarananda "sponsor" sözü aktual idi, indi isə "həci". Sizcə bu çox olmadı?" sualına isə Sevinc Musayeva bu cür cavab verib.

" Hansı Həci? Həcilər də əldən çıxır, kasıblayırlar. Sponsor da, həci bazarı da bağlanıb. Müğənnilər kimin ümidinə qalıb? Əlbəttə ki, bu sözlər artıq insanları bezdirib.Mən bu cür yazılmayan çirkin qanunları qəbul etmədim, qəbul etmirəm və heç vaxt da qəbul etməyəcəm. Bunu qəbul edənlərə isə sadəcə "uğurlar" arzu edirəm. Belə məqamlarda yalnız özlərini gözdən salırlar" deyə o bildirib.