AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Starex”in qiymət fırıldağı: bizi belə aldadırlar


Tarix 21.05.24, 14:20	Font ölçüsü : - / +

Məlum olduğu kimi, ölkəmizdə onlayn alış-veriş saytlarından, xüsusən də “Trendyol”dan istifadə edənlər kifayət qədər çoxdur. İnsanlar puluna qənaət etmək üçün bu üsulla alış-veriş etməyə üstünlük verirlər. Ölkəmizdə beynəlxalq və ölkədaxili çatdırılma xidmətləri təklif edən bir çox karqo şirkətləri var. Vətəndaşlar onların köməyi ilə istədikləri ölkədən ehtiyac duyduğu məhsulu əldə edə bilirlər. Lakin bəzi hallarda karqo şirkətləri tərəfindən aldadılma, gecikdirilmə, məhsulun itirilməsi və vəsaitin geri qaytarılmaması kimi problemlərlə qarşılaşırlar.

Ölkədə kifayət qədər tanınan karqo şirkətlərindən biri olan “Starex”lə bağlı Publika.az-a şikayət daxil olub. İddia edilir ki, sözügedən şirkət xaricdən gətirilən məhsulun çəkisinə uyğun düzgün qiymət tənzimləmir:

“150 qramlıq məhsul üçün 8.3 manat qiymət təyin edilib. Halbuki saytlarında paylaşdıqları cədvələ uyğun olaraq bu, 5.64 manat edir (maye və təhlükəli məhsullar kateqoriyası - red.). Amma 350 qramlıq çəkiyə uyğun qiymət hesablanıb”, - şikayətdə qeyd olunub.

Şikayətçi həm də 1 aya yaxındır sifariş etdiyi məhsulun xarici anbarda qaldığını, lakin bununla bağlı şirkətin heç bir məlumat vermədiyini bildirib: “Artıq bir aya yaxındır sifariş etdiyim məhsul xarici anbardadır. Qaynar xəttə dəfələrlə zəng etsəm də, əlaqə yaratmaq mümkün deyil. Sosial media səhifələrinə də yazmağıma baxmayaraq şirkət konkret məlumat vermir. Məhsulun pulunu geri tələb edəndə isə bunun mümkün olmadığını bildirirlər”.

Bu, ölkədə karqo şirkətlərinin fəaliyyəti ilə bağlı ilk şikayət deyil. Belə narazılıqlar son dövrlər daha da artıb. Pulumuza qənaət etmək istədiyimiz halda ziyana düşürük. Maddi və mənəvi zərərləri ilə yanaşı, istehlakçıların hüquqları da pozulur. Bəs bu kimi hallarla qarşılaşanda hara müraciət etməliyik?

Mövzu ilə bağlı Publika.az-a danışan Azad İstehlakçılar Birliyinin sədri Eyyub Hüseynov bildirib ki, onlayn ticarətlə klassik ticarət bütün dünyada ciddi rəqabətdədir:

“Azərbaycanda da bu rəqabət mövcuddur. Lakin onlayn ticarətçilər elə edirlər ki, Azərbaycanda əhalinin get-gedə onlara marağı və inamı azalır”.

E. Hüseynov Azad İstehlakçılar Birliyinə karqo şirkətləri ilə bağlı gələn şikayətlərdə istehsalçı hüquqlarının pozulmasının bir neçə halları ilə qarşılaşdıqlarını qeyd edib:

“Vətəndaşların sifariş etdiyi məhsulun yerinə fərqli məhsul göndərilir. Bir çox hallarda sifariş edilən məhsul itirilir və pulu qaytarılmır. İstehlakçı səhv göndərilən məhsulu geri qaytarmaqda və dəyişməkdə çətinliklərlə qarşılaşır. Çatdırılma haqqı öncədən deyiləndən artıq tələb edilir və bu, məhsulun həcminin böyük olması ilə əsaslandırılır".

Onun sözlərinə görə, bu sahədə ciddi problemlər var:

“Problemin həlli müşkül məsələyə çevrilib. Biz belə hallarda idxalçı şirkətlə danışıq yolu ilə məsələni həll etməyə çalışırıq. Həll edə bilməyəndə isə vətəndaşın şikayətini İqtisadiyyat Nazirliyinə yönləndiririk. Təəssüf ki, bu halda da effektli nəticələr əldə edə bilmirik. İstehlakçılar hər hansısa bir problemlə üzləşdikdə 195 qaynar xətt vasitəsi ilə İqtisadiyyat Nazirliyinə məlumat versinlər”.

Xəbərin oxunma sayı : 508