APA AP-a istinadən xəbər verir ki, bu barədə ABŞ Birləşmiş Qərargah Rəisləri Komitəsinin sədri Mark Milli bildirib.

O əlavə edib ki, Ukrayna qüvvələrinə ABŞ-ın "Abrams" tanklarında təlimlər keçilməyə başlanıb və bu sistemlər gözlənilən əks-hücum üçün vaxtında hazır olmasa da, bu silahlar uzunmüddətli perspektivdə Ukraynanın Rusiyanı işğal olunmuş ərazilərindən sıxışdırıb çıxarması üçün kritik rol oynayacaq

"Tanklar Rusiya qüvvələrini Ukrayna ərazisindən çıxarmaq üçün lazım olsa da, F-16-lar gələcək hücumların qarşısını almaq üçün daha uzunmüddətli təhlükəsizlik planının bir hissəsi olacaq", Milli bildirib.

"Hər kəs Ukraynanın modernləşdirilmiş Hərbi Hava Qüvvələrinə ehtiyacı olduğunu anlayır. Bu, xeyli vaxt aparacaq", o əlavə edib.

Milli bildirib ki, hazırda uçuş taktikalarının növləri və təlim üçün yerlər barədə ABŞ və F-16-ları təmin etməyi öhdəsinə götürmüş Hollandiya və Böyük Britaniya arasında danışıqlar aparılır. Həmçinin təlim keçiriləcək pilotların sayı da müzakirə olunur.

Qeyd edək ki, ABŞ hələ ki, təyyarələr təqdim edib-etməyəcəyini açıqlamayıb, lakin prezident Co Bayden ABŞ-ın F-16 təlimini dəstəkləyəcəyini bildirib.