AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Almaniya Azərbaycanı Cənubi Qafqazda vacib tərəfdaş kimi qəbul edir


Tarix 18.03.23, 14:08	Font ölçüsü : - / +

Azərbaycanın xarici siyasətinin əsas tərkib hissəsi olan ikitərəfli əməkdaşlıq sahəsində qazanılan uğurlarımız davamlılığı ilə diqqət çəkir. Dövrün tələblərinə uyğun olaraq bu əməkdaşlıq əlaqələri yeni prioritetlər üzrə inkişaf etdirilir.

Təbii ki, əlaqələrin inkişafında qarşılıqlı səfərlər, səfərlər çərçivəsində keçirilən görüşlər, müzakirə edilən məsələlər, imzalanan sənədlər əhəmiyyətli rola malikdir. Prezident İlham Əliyevin Almaniya Federativ Respublikasına işgüzar səfəri bu gün ölkə və dünya mətbuatında geniş müzakirə olunmaqdadır. Qeyd edək ki, Azərbaycan ilə Almaniya arasında siyasi əlaqələr yüksək səviyyədədir, ali səviyyəli dialoq mövcuddur. Prezident İlham Əliyev 2004-cü və 2007-ci illərdə Almaniyaya rəsmi, daha 11 dəfə isə işgüzar səfər edib. Sonuncu səfər bu il fevralın 16-19-da baş tutub və dövlətimizin başçısı Münxen Təhlükəsizlik Konfransında iştirak edib. Ötən il fevralın 15-də Prezident İlham Əliyev Almaniya Prezidenti Frank Valter Ştaynmayeri yenidən prezident seçilməsi münasibətilə təbrik edib. Eləcə də bu il yanvarın 13-də iki ölkənin Prezidentləri arasında telefon danışığı olub. Söhbət zamanı Prezidentlər Azərbaycan-Almaniya əlaqələrinin mövcud vəziyyətindən məmnunluqlarını bildirib, əməkdaşlığın perspektivlərini müzakirə ediblər.

Azərbaycan Respublikasının Prezidenti cənab İlham Əliyevin martın 13-14-də Almaniyaya işgüzar səfəri iki ölkə arasında münasibətlərin daha da gücləndirilməsi və əməkdaşlığın genişləndirilməsi baxımından mühüm əhəmiyyət kəsb edir. Səfər zamanı dövlətimizin başçısının həm Almaniya Prezidenti Frank Valter Ştaynmayer, həm də Almaniyanın Federal Kansleri Olaf Şolts ilə təkbətək və geniş tərkibdə görüşləri keçirildi. Cənab İlham Əliyev, həmçinin Almaniyanın aparıcı şirkətlərinin rəhbərləri ilə görüşərək ölkəmizin iqtisadi imkanları barədə geniş məlumat verdi və almaniyalı iş adamlarını ölkəmizə dəvət etdi. Azərbaycan bu gün enerji sektoru ilə yanaşı, qeyri-neft sektorunda mövcud imkanları ilə diqqətdədir. Hazırkı dövrdə işğaldan azad edilmiş ərazilərimizin malik olduğu iqtisadi imkanlar da geniş təhlil olunur. Bugünümüzün əsas çağırışlarından biri bərpa olunan enerji mənbələrinə investisiyaların yatırılmasıdır. Həyata keçirilən düşünülmüş və məqsədyönlü siyasət nəticəsində Azərbaycanın iqtisadi imkanları günbəgün artır. Cənab İlham Əliyevin Almaniyaya səfəri zamanı qarşılıqlı anlaşma, hörmət və etimad şəraitində keçən görüşlərdə iqtisadi sahədə, o cümlədən sənaye, nəqliyyat, enerji, kənd təsərrüfatı, təhsil, texnologiyalar və digər sahələrdə əməkdaşlıqla bağlı fikir mübadiləsi aparıldı. Dövlət başçımızın Almaniyanın aparıcı şirkətlərinin rəhbərləri ilə 3 saata yaxın görüşü mövcud imkanlar əsasında qarşıdakı dövr üçün prioritetlərin müəyyənləşdirilməsində mühüm rol oynadı. Almaniya Azərbaycanı Cənubi Qafqazda vacib tərəfdaş kimi qəbul edir, ölkəmizin regionda lider mövqeyini, həmçinin beynəlxalq səviyyədə tanınmış sərhədləri daxilində suverenliyini və ərazi bütövlüyünü tam dəstəkləyir.

Eyni zamanda, bu ölkə Azərbaycanın Avropanın enerji təhlükəsizliyinin təmin olunmasında mühüm rolunu təqdir edir. Sözügedən səfər iki ölkə arasında münasibətlərdə yeni mərhələnin başlanğıcı kimi dəyərləndirilir.

Elçin Quliyev,

Sabirabad rayonu, iqtisadçı-politoloq

Xəbərin oxunma sayı : 313